دشن عدد من نشطاء موقع التواصل الاجتماعي تويتر "هاشتاج" تحت اسم " تريكة مديراً فنياً للأهلي" للمطالبة بتولي لاعب منتخب #مصر الأسبق والأهلي محمد أبو تريكة مسؤلية الفريق الأول وتعينه مديراً فنيًا بعد النتيجة السلبية للفريق في الفترة الأخيرة وخسارة نهائي كأس #مصر أمام غريمه التقليدي نادي الزمالك والخروج من البطولة الأفريقية.
وتباينت الآراء بين مؤيد ومعارض على مقترح تولي أبوتريكة المسؤلية الفنية للفرق، حيث صرح أحد المغردين:"يا نهار خير للأهلي لو أبو تريكه مدير فني وربنا ما نلاحق بطولات" وأشار أخر :"فعلا الأهلي عاوز تريكه عشان يرجع الأهلي بتاع زمان"، وتابع:" لو تريكه مسك الأهلي إحنا مش محتاجين أي تيكتيك خاالص إحنا هنفوز ببركته بس".
بينما اعترض البعض على المقترح قائلين:"هوا أي لاعب حلو ينفع يبقا مدرب ! مارادونا أسطورة كرة القدم فشل تدريبيا ! ياخوفي لو حصل دا يكون سبب إننا نكره تريكة:"، "محدش يقدر يختلف على حبنا لتريكه كأهلاوية لكن الموضوع صعب جدًا إنه يبقى مدير فني على الأقل في الوقت الحالي".