أكبر مجموعة من السلطات بشتى الأنواع راقية ولذيذة وتحضر في دقائق
دوائر التوست المقلي :
ممكن هنا نستخدم حشو مالح او مسكر زي المكسرات
الطريقة :
1 - نقطع حواف التوست و نفرده بالنشابة
2 - نستخدم كوب او قطاعة دائرية لتقطيع التوست الي دوائر
3 - استخدمت للحشو خضار مشكل مع لحم مفروم و سويته على النار شوية و ممكن تستحدمي اي نوع حشو تاني تحبيه
4 - ندهن الاطراف بدقيق مذوب بقليل من الماء علشان ما تفتحش في القلي و نطبق الدوائر و نضغط خفيف عليها علشان تقفل كويس
5 -نحطها في البيض و بعدين البقسماط و لما نخلص الكمية نحطها في الثلاجة عاشان البقسماط تمسك كويس
6 - تقلى في قليل من الزيت على نار هادئة و يدوب لونها يكون ذهبي نطلعها علطول و تقدم ساخنة ....
سلطة بطاطس مع الفاصوليا ......
استخدمت البطاطس اللي حجمها صغير للوصفة دي و قطعتها نصفين
المقادير :
بطاطس صغيرة الحجم
فاصوليا مسلوقة
بصلمقطع صغير , زيت , خل , ملح , فلفل , بقدونس
الطريقة :
تغسل البطاطس جيدا و تترك بالقشر و توضع في ماء مملح على النار حتى تنضج
تقطع البطاطس نصفين دون تقشير
تضاف اليها الفاصوليا المسلوقة
يتبل الخليط بالبصل و البقدونس و الملح و الفلفل و الزيت و الخل
تقلب السلطة جيدا و تترك لمدة ساعة تقريبا لتتشرب التتبيلة و تقدم .....
سلطة لوبيا ....
ممكن في السلطة دي تستخدمي لوبيا بيضاء او حمراء حسب ما تحبي .....انا زودت حبات ذرة مسلوقة و دي مش شرط للوصفة , الوصفة اساسها اللوبيا
الطريقة :
كوب لوبيا منقوعة ( انا بافضل نقعها من بالليل بتبقى احلى في الطعم و ممكن تتنقع قبلها بكام ساعة لو مافيش وقت )
بصلة متوسطة مقطع حلقات رفيعة
فلفل اخضر مقطع مكعبات
التتبيلة :
ليمون , ملح , فلفل , زعتر , كزبرة ناشفة , كمون , خل , زرة مستردة
الطريقة :
تصفلى اللوبيا من ماء النقع و توضع في وعاء على النار مع رشة ملخ بسيطة و تسلق
تصفى من ماء السلق و تشطف
تخلط مقادير التتبيلة و توضع على السلطة
نضيف البصل المقطع و مكعبات الفلفل و تقلب السلطة جيدا
توضع السلطة في الثلاجة حوالي ساعتين تقريبا و تقدم باردة ....
سلطة التونة بالمكرونة .....
المقادير :
مكرونة مسلوقة و يفضل الاشكال المجوفة لانها بتمتص الصوص احلى
علبة تونة مصفاة من الزيت
بصل مقطع شرائح رفيعة , فلفل اخضر مكعبات , عصير ليمون
زبادي ( علب المراعي 170 جم )
2 فص ثوم مبشور
نصف معلقة صغيرة خل
نصف معلقة صغيرة زيت
2 معلقة كبيرة مايونيز
الطريقة :
نضع التونة المصفاة في طبق و نضيف اليها البصل الشرائح و الفلفل و عصير الليمون
نخلط الزبادي مع المايونيز و الخل و الزيت و الثوم و يقلب جيدا
نضيف التونة الي المكرونة المصفاة و نقلب جيدا ثم نضيف خليط الزبادي و نقلب
توضع السلطة في الثلاجة و تقدم باردة ...
سلطة الطماطم بالكرفس ...
المقادير :
طماطم مقطعة الي ارباع
كرفس
معلقة كبيرة خل
معلقة كبيرة ثوم مفروم
معلقة صغيرة عصير ليمون
ملح , فلفل , زيت
الطريقة :
نخلط مكونات التتبيلة ( الخل و الزيت , الليمون , الثوم , الكرفس )
نضيف مكونات التتبيلة الي الطماطم المقطعة و يضبط الطعم بالملح و الفلفل
توضع السلطة في الثلاجة و تقدم باردة .
