بارت 1
نهال : هاجر واش باقا ناعسة ؟
هاجر : اوووف منك ا نهال، را 7 ديال الصباح هادي ، و اليوم مكاينا قراية، معلوم غنكون ناعسة . دبا من اللخر اشنو بغيتي ؟
نهال : ياك ا هاجر ، هادي هي نتي ختي و صاحبتي ، و إلا حتاجيتك نلقاك حدايا ..
هاجر : نهااااال، متعصبينيش كتر ، قولي علاش مفيقاني على الصباح ؟
نهال : واش نسيتي اش كاين اليوم ؟
هاجر : اشنو كاين عوتاني؟ (قفزت من بلاستها) ياكما عندنا شي امتحان و انا مفراسيش؟
نهال : و لا أ الهبيلة، واش كاين شي امتحان نهار الأحد ؟ را اليوم غادي ينزل الألبوم الجديد ديال عمران
هاجر : سيري الله يغبر ليك الشقف نتي و داك عمران ديالك ،واش نتي غادي تسطاي على قبل داك المغني ديالك و جايا تصدعيني انا ؟
نهال : ايييه ا لالة ، حدك تما ، إلا بغيتي تدعي عليا انا ماشي مشكل ، و لكن عمران ديالي خليه عليك فالتقار، الله يحفظو و ينجيه ليا
هاجر : اوا ختي سيري عندو و صدعيه، لاش باقا معايا انا ديك الجنية ؟
نهال : و انا كرهت فيه ا قليلة النفع ، كون وصلت ليه جاعما نهدر معاك نتي ههه
هاجر : عرفاااك ديريها و تفوتيها لهيه ا نكارة الخير
نهال :لا انا منقدرش نفرط فيكم بزوج ا الغزالة ديالي
هاجر : نهااااال قولي اشنو عندك ، ما شكرتيني إلا و بغيتي شي حاجة
نهال : انا بغيتك دوزي عندي مع العشرة ، نخرجو ندورو شوية ،را عييت من الدار، و مللي نساليو نمشيو نشريو CD ديال الألبوم الجديد ديال عمران
هاجر : دبا نتي بيك غير الألبوم دبا ياك هههه
نهال : وا صااافي، يالاه نشوفك مع العشرة
هاجر : اوكي
نهال : عنداك تعطلي
هاجر : لا متخافيش
نهال : عنداك ترجعي تنعسي
هاجر :نهااااال
نهال : هههه صافي انا غادي نقطع
سمحو ليا دخلت عليكم بهاد الشكل ، و لكن انا و هاجر صاحبتي ديما دايرين بحال هاكا هه
مهيم انا سميتي نهال الناجي ، عندي 22 سنة و دبا كنقرا فالسنة أولى ماستر فكلية الاقتصاد ، انا عايشة مع ماما (لالة لطيفة ربة بيت ) و بابا (سي عبد الرحيم ، عندو ورشة ديال النجارة ) ، و ختي منال اللي فعمرها 25 سنة، و اللي من بعد ما كملات الدراسة ديالها فالمحاسبة و المالية ، بدات الخدمة ديالها هادي عامين فواحد الشركة متوسطة. و فالأخير كاين خويا الصغير سامي اللي عندو 10 سنين .
فالحقيقة حنا عائلة ميسورة الحال ، بابا عمرو ما حرمنا من شي حاجة ، أي حاجة طلبناها منو كيجيبها لينا فالحال. و لكن بالمقابل كيطلب منا حاجة وحدة اللي هي احترام القواعد و الأصول ديال العائلة، حيت بابا واحد الشخص متدين و تقليدي فافكار،بالنسبة ليه مكاين حتا حاجة فوق التقاليد و القواعد الصحيحة.
حنا عايشين حياتنا ببساطة و فرحانين الحمد الله ، و لكن من بعد هاد السعادة ديالنا غادي تدمر ، و بسباب أقرب الناس ليا ، بسباب اختي الوحيدة منال.
من بعد ما دوشت و لبست حوايجي، نزلت باش نفطر مع عائلتي حيت من بين العادات ديال بابا ، خاص مللي تحط الماكلة كلشي يكون جالس و مجموع على الطبلة .
نهال : صباح الخير ا ماما
بارت 2
لالة لطيفة : صباح الخير الحبيبة ديالي
نهال : صباح الخيييير على أحسن أب فالعالم
سي عبد الرحيم : صباح النوور ا بنتي العزيزة
منال : ااه ، هي بنتك العزيزة ، و انا ؟
سي عبد الرحيم : لا أ بنتي ، انا معندي حتا فرق بيناتكم
نهال : غير خليها ا بابا ، را كتغير مني
منال : أنا نغير منك ا الجنية، و علاش بالسلامة ؟
نهال :حيت انا بابا كيبغيني كتر منكم كاااملين
سي عبد الرحيم : صافي براكة من اللعب يالاه ، جلسي تفطري
نهال : بابا عفاك نقدر نطلب منك شي حاجة ؟
سي الرحيم : هدري ا بنتي ، قولي
نهال : بابا انا اليوم بغيت نخرج مع هاجر صاحبتي ، واش نقدر ؟
سي عبد الرحيم : اه ا بنتي معلوم تقدري ، غير و كان رجعي فالوقت
نهال : متخافش ا بابا مغديش نتعطل
لالة لطيفة : الله يا بنتي ، اليوم الحد، قلت زعمة تعاونيني نخمل الدار
سي عبد الرحيم : صافي را منال تعاونك
منال : واخا ا بابا شي يخرج يفوج، شي تلصق فيه الشقا.
مهيم من بعد ما فطرت مع عائلتي ، طلعت لبيتي، جلست كنتفرج فالتلفزة بيما جات عندي هاجر .
شوية بداو الاشهارات و قطعو عليا الفيلم، قلت نمشي نشرب و نرجع بيما سالاو، يالاه جيت نخرج من البيت و انا نسمع صوت كنعرفو مزيااان. كان واحد الاشهار ديال عمران المغني اللي انا كنحمااااق عليه . رجعت بالزربة لبلاستي و بقيت حالا فمي فالتلفزة بحال شي هبيلة . ناااري شحال كيبان غزااال ، شعرو الكحل الرطب ، الأناقة ديالو فاللبس، و الابتسامة يا سلااااام. انا بعدا من نهار دار هاد الإشهار لهاد العصير ، ما بقيت كنشرب حتا حاجة من غيرو، و حتا الهدرة ديالو حفظتها كاملة هههه.
انا باقا فعالم الاحلام ديالي ، حتا دخلات عليا هاجر و خسرات عليا اللحظة
هاجر : نهال حياتي ، انا عمران و جيت نديك معايا
نهال (تلفتات لجيهتها) : هادي انتي ا الحمقة ، حشومة عليك خسرتي عليا اللحظة ا صاحبتي
هاجر : و نوووووضي تحركي قدامي راني ممسالياش لهاد لحماق ديالك
نهال : اووف صافي يالاه ، متخليو حتا واحد يحلم الله يستر
قاديت حالتي و خرجنا انا و هاجر للمدينة ، تسارينا مزيان ، لعبنا ، ضحكنا و كلينا حتا شبعنا.
اللي خاصكم تعرفو على هاجر ، إنني تعرفت عليها فاش كنت فالابتداءي، و ولينا صحابات ديال بصح ، و من تما و هي لاصقاني فالاعدادي و التانوي، حتا من الكلية درنا نفس الشعبة باش نبقاو بزوج.
مهيم داز داك النهار زوييين بمعنى الكلمة ، فالعشية مللي كنت راجعة للدار خديت CD اللي فيه الألبوم ديال عمران و بقيت الليل كامل كنتصنت ليه حتا داني النعاس و كالعادة بقيت كنحلم بيه .
صبح صباح جديد و اللي منو غادي تبدا مرحلة جديدة من حياتي غادي تغير معاها بزاااف ديال الحوايج.
كنا جالسين كنفطرو مجموعين و هي تهدر منال ختي
منال : بابا ، كيف قلت ليك ديك النهار ، را الصديق ديال المدير ديالي عجباتو الخدمة ديالي ، و عرض عليا باش نخدم معاهم فالشركة ديالهم ، و فالحقيقة العرض ديالو جد مغري داكشي علاش أنا قررت نبدا معاهم اليوم .
سي عبد الرحيم : مزيان ا بنتي ، الله يسهل عليك ، أي خدمة محترمة و تقدر المؤهلات الدراسية ديالك مرحبا بيها
منال : شكرا ا بابا ، انا غادي نمشي دبا
بارت 3
نهال : حتا انا غادة للكلية دبا و فطريقي نوصل سامي للمدرسة ديالو
سي عبد الرحيم : واخا الله يعاونكم ا بنتي ، حتا انا غادي للورشة دبا
=》عند منال فشركة التازي للانشاءات
وصلت للشركة و سولت على المكتب ديال سي أحمد التازي ، عيطات ليه السكريتيرة و علماتو بالوصول ديالي . من بعد نعتات ليا المكتب ديالو فين كاين و مشيت لعندو .
سي أحمد : تفضلي ا انسة الناجي تفضلي
منال : شكرا موسيو
سي أحمد : كيف عارفة انا جبتك هنا و انا متأكد باللي نتي غادي تكوني مفيدة بزاف للشركة ديالي ، و بما أنك تخصص محاسبة فالتعامل ديالك غادي يكون معا ولدي الكبير حيت هداك القسم ديالو .
شوية دخل واحد الشاب فالتلاتين من عمرو، طويل و بيض ، عندو شوية اللحية و لابس كوستيم فالكحل .
سي أحمد : ا ها هو دكرناه و هو يبان
نبيل : بابا قالت ليا السكريتيرة باللي عيطتي ليا
سي أحمد : نعام ا ولدي ، انا بغيت نعرفك على الآنسة منال الناجي ، هي غادي تبدى معانا الخدمة ، و بالضبط فقسم المحاسبة يعني القسم ديالك .
نبيل : متشرفين انسة منال ، انا نبيل التازي ، مدير قسم المحاسبة و كنتمنى تعجبك الخدمة معانا .
منال : الشرف ليا موسيو نبيل
سي أحمد : منال ، دبا نتي فعهدة ولدي نبيل ، (دار عند نبيل) و نتا تهلا فيها و شرح ليها الخدمة غير بشوية
نبيل : كون هاني ا بابا
مشيت مع سي نبيل و بقينا النهار كاملين بزوج خدامين ، بقا كيشرح ليا الخدمة ديالي و نوع المهام اللي خاصني نديرها، صراحة هو إنسان ضريف بزااف و الخدمة معاه ممتعة .
=》عند نهال فالكلية :
نهال (و هي دايرة يدها على خدها ) : اووف هاد الاستاد جاب ليا الملل
هاجر : واياااه، زيديني عليك ، حنا اش بنا و بين شي قانون التجارة ، واش هدشي غنخدمو بيه ؟ لا ،اوا لاش كنقراوه
نهال: و زايدها بالامتحان السيمانة الجاية و عاطينا ملخص الدرس فيه 40 صفحة ، دبا واش كاين شي ملخص فيه 40 ورقة ؟
هاجر : ناري صافي سكتي راه كيشوف لجيهتنا، دبا يصدق مجري علينا
نهال : و كون غير يجري عليا ، حسن من هاد الجلسة
بقينا انا و هاجر كنقاومو باش منعسوش فالقسم ، و ديك تلاتة السوايع تقول واش بغات تسالي ، مكملات ديك الحصة المملة حتا غفر لينا الله الدنوب.
مللي خرجنا جلسنا فالقهوة ديال الكلية .
كلينا حتا شبعنا ، و من بعد كل وحدة فينا مشات لدارهم .
من بعد 3 أيام ، كنت جالسة فبيتي كنراجع على قبل الامتحان اللي عندي، شوية صونا ليا التلفون، كانت هاجر .
نهال : وي هاجر ، اشنو كاين ؟
هاجر : ههه الحمقة ، اشنو كديري ؟
نهال : فنظرك اشنو غادي نكون كندير ، راني كنوجد للامتحان ديال داك الاستاد المريض
هاجر : نووو متقوليهااااش، ادن نتي جاعما كتفرجي فالتلفزة
نهال : علاش اشنو كاين فيها من غير سامحيني؟
هاجر : لاوا رهف خزنادار هه ، و تي شعلي التلفزة را دايرين لقاء مع عمران المغني ديالك
نهال (قفزت من بلاستها ) : كيفااااااش !!! واش متاكدة بلاتي نشوف
مشيت شعلت التلفزة و فعلا لقيت البرنامج يالاه بدا
بارت 4
نهال : ناري و الله حتا هو ا صاحبتي ، صافي سيري فحالك خليني نتفرج
هاجر : ياك دغيا بدلتيني بداك القرد...
مسكينة هاجر قبل ما تكمل الجملة قطعت عليها و جلست نتفرج
المديعة : الفنان ديالنا الموهوب عمران ، انا جد سعيدة باستضافتي ليك فالبرنامج هاد الليلة
عمران شكرا بزااف ، و حتا انا سعيد بتواجدي معاكم فهاد البرنامج الناجح و المتألق
المديعة: أولا انا بغيت نهناك بالنجاح الباهر للالبوم الأخير ديالك ، و اللي حقق نسبة مبيعات و مشاهدة كبيرة
عمران : شكرا ليك ، و انا بدوري من هاد المنبر كنشكر المعجبين ديالي كاملين ، و اللي بلا بيهم مكنت نقدر نحقق حتا حاجة من هادشي
المديعة : كيفما لاحظت انا و مجموعة من المعجبين ديالك ، فمعظم اغانيك موضوعها الحب أو فتاة نتا معجب بيها ، فاكيد جمهورك يبغي يعرف واش كاينة هاد الفتاة فالحقيقة ، واش عمران مرتبط
نهال (تزير عليها قلبها) : عاافاك قول لا. عااافااااك ا عمران قول باللي مكاينة حتا وحدة
عمران : ههه فالحقيقة خجلتيني بسؤالك حيت انا مكنبغيش نهدر على حياتي الخاصة ، و لكن بصح انا غير مرتبط حاليا و معندي حتا شي علاقة بشي بنت
نهال (نقزت بالفرحة ) : يس يس ، كنت عارفاها ، كنت عارفاها
المديعة : و شنو هي مواصفات فتاة الاحلام ديالك ؟
عمران : هه معرفتش ، بنت زوينة و متخلقة.....فالحقيقة انا منقدرش نوصفها ليك حيت هي دبا متواجدة فاحلامي فقط
المديعة : واش كتظن باللي هاد الفتاة اللي فاحلامك تقدر تكون فارض الواقع ؟
عمران : اه ، تقدر تكون ، و شكون عرف ، تقدر تكون دبا جالسة كتفرج فينا
نهال (تصدمات و بدات تقفقف غير بوحدها) : كان كيهدر عليا ياك ؟و الله حتا عليا ، انا عارفاك كتهدر عليا ...
انا باقا فعالم الاحلام ديالي حتا كتدخل عليا منال
منال : نهال !!! واش تسطيتي كتهدري بوحدك
نهال : هه لا اختي ، هدي غير التلفزة ، كنت كنشوف واحد البرنامج
منال : اوكي ، هبطي دبا را كلشي كاين التحت باش نتعشاو
نهال : اوكي يالاه
مشينا تعشينا و من بعد كل واحد طلع لبيتو باش ينعس و انا بقيت جالسة كنراجع دروسي، حيت واخا تشوفوني هكا حمقة و متبعة عمران ، قرايتي منفرطش فيها .
فالصباح كل واحد مشا لخدمتو، و حتا انا تلاقيت بهاجر و مشينا للكلية.
=> عند منال فالشركة
نبيل : تبارك الله عليك ا منال ، دغيا تعلمتي للخدمة و تقنتيها
منال : غير شوية و صافي ههه
نبيل : هاي هاي على التواضع
منال : ههه ضروري ، و دبا خلينا من هادشي و يالاه نكملو الخدمة
سي أحمد : احم ، سمحو ليا ادا كنت قاطعتكم
نبيل : لا مكاين مشكل
منال : تفضل موسيو أحمد
سي أحمد : مهيم ، انا جيت باش نعرض عليك ا بنتي للعشا فدارنا، مللي هدرت لمراتي عليك ، تشوقات بزااف باش تشوفك، و قالت ليا نعرض عليك تعشاي معانا غدا
منال : شكرا موسيو أحمد، إن شاء الله غادي نجي
سي أحمد : مرحبا بيك ا بنتي ، نخليكم دبا الله يعاونكم
بارت 5
يوم غد
=》عند منال
من بعد ما خديت الادن من عند بابا ، طلعت لبيتي باش نوجد راسي للعشا فدار موسيو أحمد .
لبست كسوة فايتة الركبة شوية فالابيض، فيها خطوط فالاخضر الفوق، و التحت فيها وريدات. و لبست معاها بودي فالقهوي و صندالة طالون فالقهوي و درت ماكياج خفيف و صاوبت شعري .
مللي ساليت خديت السيارة ديالي ، و اتجهت الفيلا ديال عائلة التازي .
مللي وصلت الفيلا استقبلاتني الخدامة و داتني الصالون اللي كيتسناني فيه سي أحمد .
دخلت عندهم لقيت عائلتو كاملة مجموعة تما .
سي أحمد : أهلا أهلا ، مرحبا بيك ا بنتي ، تفضلي
منال : شكرا موسيو أحمد على الاستضافة
سي أحمد : على الراس و العين ا بنتي ، نعرفك على على عائلتي ، بالطبع ولدي الكبير نبيل نتي كتعرفيه، هادي مراتو نجلاء
نجلاء : مرحبا بيك احبيبة
منال : شكرا
سي أحمد : هادي بنتهم و حفيدتي الغالية سارة
و هادي مرتي سهام
سهام : مرحبا بيك ا بنتي، انا كنت متشوقة باش نشوفك، و فعلا طلعتي أجمل من داكشي اللي وصف ليا أحمد
منال : شكرا بزاف ا مدام
سهام : بلا رسميات ا بنتي ، قولي غير خالتي سهام صافي
منال : اوكي
سي أحمد : بنتي نهال ، هدا ولدي الصغير ياسر
ياسر : مرحبا بيك
منال : شكرا
(ياسر فعمرو 24 سنة ، هو شاب زوين و أنيق ، و لكن مغرور بزاااف و حاس براسو حيت هو ولد عائلة التازي الغنية ، باه مدخلو لمعهد خاص ، و لكن هو ما نجح فقراية ما عاون باه فالشركة بحال خوه نبيل )
سي أحمد : سهام ، واش نمشيو للطبلة باش نتعشاو
مدام سهام : اه تفضلو كلشي واجد
يالاه بغينا نوضو و حنا نسمعو صوت شي واحد
الشخص : و انا ا ماما مدرتوش بحسابي ياك ؟
مدام سهام (تلفتات) : ولدي عمرااان، امتى وصلتي ؟
عمران : يالاه دبا شوية رجعت من طنجة
سي أحمد : اوووه مرحبا بولدي ، الحمد الله على سلامتك
عمران : الله يسلمك ا بابا
(باش تفهمو كتر ، عمران هو داك المغني المشهور اللي كتبغيه نهال ، و هو ولد سي أحمد التازي ، هو مكانش عندو اهتمام بالخدمة فالشركة ديال العائلة ، و مللي كمل الدراسة ديالو قال لباباه باللي بغا يجرب حظو فميدان الغناء حيت هدا هو الحلم ديالو ، و فعلا الأب ديالو وافق ، و لكن عمران عمرو استغل الاسم أو المكانة ديال الأب ديالو باش يوصل ، هو اعتمد على راسو و بدا من الصفر حتا ولا مغني مشهور و محبوب).
سي أحمد : بنتي منال ، هادا ولدي عمران ، اكيد غادي تكوني كتعرفيه
منال (و هي مصدومة فعمران ) :اا أه بالطبع
سي أحمد : ولدي عمران ، هادي منال، خدامة معانا فالشركة قسم المحاسبة
عمران (و هو كيشوف فمنال بإعجاب) : متشرفين انسة منال (و مد ليها يدو)
منال : شكرا ا سي عمران
مدام ليلى : اوا دبا بما أن كلشي كاين ، تفضلو باش نتعشاو
بارت 6
جلسنا فالطبلة باش نتعشاو بالطبع انا محيدتش عيني على عمران ، انا باقي ممصدقاش باللي هو جالس قدامي دبا ، شحال كيبان زوين فالحقيقة كتر من التلفزة ، وخا انا مكنتش من المعجبين ديالو ، و لكن اليوم مقدرتش ننكر إعجابي بيه.
سي أحمد : ولدي عمران ، كيف جرا جيتي اليوم ؟
عمران : فالحقيقة انا كملت الالبوم اللخر ديالي ، و حتا الجولات و الحفلات اللي كانو عندي هاد الشهر ، و طلبت من مدير الأعمال ديالي باش يقول لكلشي باللي انا دبا فعطلة حيت انا توحشت عائلتي و بغيت نشوفهم
مدام سهام :اووو و الله حتا فرحتيني بهاد الخبر ا ولدي
عمران (دار شاف فمنال اللي كانت ساهية فيه) : مادموزيل منال ، فاش كتفكري ؟
منال (قفزات) : اا.....لا والو انا معاكم
عمران : امممم ، كنتمنى فعلا انك تكوني معانا ، حيت بنت جميلة و مميزة بحالك مغاديش نسخاو بيها
منال (حشمات) : شكرا
نبيل : منال متيقيش فيه ، را هادي هي الهدرة ديال المغنيين مع جميع المعجبات ههه
كلشي بدا كيضحك
عمران : أنا نكون أسعد واحد إلا كانت هاد البنت الجميلة معجبة ديالي
مدام سهام : اووو هادشي جديد علينا ا عمران
نجلاء : بصح ا ماما سهام ، هادشي اول مرة كنسمعوه منو ههه
عمران : علاش ا مرات خويا الغزالة ، إلا كان خويا مكيقولش ليك بحال هاد الهدرة ، انا نقولها ليك ههه
نجلاء : ههههه
نبيل : ايييه نتا حدك تما هه، إلا مراتي ملاعبينش
عمران : اوا هكاك ههه
منال : صراحة دازت معاكم أمسية رائعة ، و لكن انا تعطلت بزاف و خاصني نمشي دبا .
سي أحمد : اللي بغيتي ا بنتي ، و لكن دبا الليل منقدرش نخليك تسوقي السيارة بوحدك ، ضروري يمشي معاك شي واحد
مدام سهام : ها هو عمران يوصلها
عمران (ناض من بلاستو ) : اه مكاين حتا مشكل
منال : أنا مبغيتش ندير ليك إزعاج
عمران : مكاين حتا إزعاج
منال : اوكي ، يالاه خليت ليكم الراحة
مدام سهام : خلينا نشوفوك ا بنتي مرة أخرى
منال : إن شاء الله
سي أحمد : نشوفك غدا فالشركة
مشيت مع عمران فالسيارة ، و بقينا ساكتين واحد الفترة ، حتا نطق عمران
عمران : فالحقيقة انا عمري شفت بابا معجب بشي بنت خدامة فالشركة من غيرك ، و هادشي كيدل فعلا على أنك انسانة متميزة
منال :كنشكرك ، و حتا انا مصدقتش اني شفتك اليوم و دبا انا معاك فالسيارة و كنهدرو ههه
عمران : إلا عرفوها المعجبات ديالي يقدرو يقتلوك ههه
منال : هه لا بلاش ، مقادا على عصا و لا قتيلة
عمران : هههه
كان وقت زوين مع عمران ، محسيتش حتا لقيت راسي قدام دارنا
منال : صافي غير هنا ، راني وصلت
عمران : اوو، صراحة مسخيتش بالهدرة معاك
منال : هه حتا انا
يالاه بغيت ننزل و هو يهدر عمران
عمران : منال
منال (تلفتات) : نعام
عمران : واش ممكن نوليو أصدقاء ؟
منال : ههه بالطبع
عمران : ممكن ناخد الرقم ديالك ؟ غير باش نتصل بيك
بارت 7
منال : اوكي ، قيد عندك
ودعتو و دخلت و انا فرحانة بزاااف بهاد الشي اللي وقع .
=》عند عمران
اليوم تعرفت على منال ، هاد البنت سلبات ليا عقلي من أول لحظة شفتها ، جاتني بنت انيقة و زوينة ، و حتا طريقتها فالهدرة و تفكيرها مميزين. مللي وصلتها لقيت فرصة باش نتعرف عليها كتر. و بالفعل لقيتها متيرة للاهتمام و تشجعت و طلبت منها تولي صديقتي، و خديت الرقم ديالها باش نتاصل بيها .
بقيت حاضيها حتا دخلات للدار ، يلاه جيت ندور باش نمشي، و هو يبان ليا الضو ديال شي غرفة شعل، شوية كتخرج واحد البنت للبالكون. حاولت نشوفها و نعرف شكون و لكن كانت بعيدة .
معرفتش علاش بقيت واقف كنشوف فيها ، شوية حتا هي دارت جيهتي، معرفتش شحال ديال الوقت بقينا كنشوفو فبعضياتنا، حتال واحد اللحظة دخلات و مبقاتش رجعات . حتا انا خديت السيارة ديالي و مشيت فحالي.
=》عند نهال
كنت جالسة كنراجع دروسي ، واحد الشوية سهيت و بقيت كنفكر فعمران ، كنفكر واش ممكن شي نهار الحلم ديالي يتحقق ؟ واش شي نهار نكونو انا و عمران لبعضياتنا ؟ و لا هادشي غادي يبقا غير أوهام و هو عمرو غادي يعرف حتا بالوجود ديالي ؟
بقات هاد الأفكار كدور ليا فراسي، شوية حسيت براسي مخنوقة و قلت نخرج نمشي شوية الهوا .
خرجت البالكون و بقيت واقفة شحال ، شوية درت لقيت واحد الولد واقف قدام سيارة و كيشوف جيهتي ، فالأول جاتني الملامح ديالو بحال عمران ، و لكن من بعد قلت باللي هادشي غير أوهام و دخلت و سديت عليا بيتي و نعست .
بارت 8
الغد ليه فقت بكري على قبال الامتحان اللي غادي ندوز . الصراحة وخا كنت موجدة مزيان ، كنت خايفة بزااااف ، و هادشي كيوقع ليا ديما .
خديت التلفون باش نعيط لهاجر
هاجر : الو نهال
نهال : اويييلي واش باقا ناعسة ؟
هاجر : اااه انا باقا ناعسة ، علاش ؟
نهال : و الصكعة نوضي را عندنا امتحان مع 8
هاجر (قفزات من بلاستها) : ويلي ويلي و الله حتا نسيت ، انا 5 دقايق نكون واجدة
نهال : اوا صافي سربي دغيا
قطعت مع هديك الحمقة و كملت لباسي، من بعد تلاقيت بيها فبلاستنا ديال ديما و مشينا بزوج الكلية.
نهال : بااااز على قلبك ا ختي ، واش عندك امتحان و شابعة ليا نعاس
هاجر : وا ختي راك عارفة النعاس هو نقطة الضعف ديالي
نهال : زيدي زيدي ندخلو ، قبل ما يفوتنا الامتحان
هاجر : نهال ما نسيتي تا شي حاجة ؟
نهال (شفت فيها و ضحكت حيت فهمتها اش بغات تقول) : معلوم مغنساهاش
ضربنا أيدينا مع بعضياتهم، هاد القضية كنديروها مللي كنا صغار فاش كنكونو غانديرو شي حاجة مهمة .
=》عند منال فالمكتب ديالها
كنت جالسة شوية صونا ليا التلفون ، لقيت النمرة ممقيداش عندي
منال : الو
الشخص : الو الغزالة ،عرفتيني ؟
منال (قلبها كيضرب بجهد ) : عمران !!!
عمران : وي انا ههه ، لاباس عليك كي صبحتي؟
منال : الحمد الله
عمران : أنا بغيت نسولك واش تقبلي نتغداو بزوج اليوم ؟
منال : اوكي انا موافقة
عمران : مزيان ، أنا ندوز عندك مع 12
منال : اوكي غادي نتسناك
بقيت خدامة داك الصباح ، حتا وصلات 12 و هو يجي عندي عمران
عمران : سلااااام
منال : اه عمران ، لاباس عليك
عمران : الحمد لله ، ياكما باقي عندك الخدمة ؟
منال : لا صافي خلينا نمشيو
عمران : اوكي
يالاه جينا نخرجو و هو يدخل نبيل
نبيل : اوووووو المطرب المشهور ، محبوب الجماهير عندنا هنا فالشركة ههه
عمران : هه صافي بلا هاد الضحك الحامض ديالك ، خلينا نمشيو
نبيل : تمشيييو! !!! اوووو دبا عاد فهمت ، اوا ا سيدي فين غادين نتوما بزوج ؟
منال : غادين نتغداو ، علاش متجيش معانا حتا نتا ؟
نبيل شاف فعمران لقاه كيتحلف عليه و كيقول ليه بوجهو لا زعمة متمشيش معانا
نبيل : فالحقيقة مكرهتش و لكن باقي عندي بزاف ديال الخدمة ، مهيم استمتعو نتوما بوقتكم
عمران : شكرا
منال : اوكي اللي بغيتي
مشينا انا و عمران لواحد المطعم راقي تغدينا بزوج ، وخا برزطونا دوك المعجبات ، كل شوية جاية وحدة تصور معاه .
من بعد تمشينا حدا البحر و هدرنا فبزاف ديال المواضيع ، و منهم العائلات ديالنا .
عمران : نتي البارح تعرفتي على عائلتي كاملة ، اوا و نتي شكون كاين فعاءلتك ؟
منال : أنا عايشة مع ماما و بابا و خويا الصغير و ختي نهال صغر مني ب 5 سنين
بارت 9
هنا عمران رجع بتفكيرو للبارح بالليل ، و تفكر البنت اللي شاف فالبالكون .
منال : هيهوو، فين سهيتي ؟
عمران : ا لا لا والو ، مديريش فبالك
منال : هه اوكي ، انا دبا خاصني نمشي للخدمة
عمران : يالاه نوصلك
=》عند نهال اللي خرجات من الامتحان
هاجر : اوووف الحمد الله مللي حيدت عليا هاد المصيبة ، حمل كبير و تحيد على قلبي
نهال (كتشوف فالورقة ديال الأسئلة ) : هاجر ، قولي ليا اشنو درتي فالسؤال الرابع
هاجر (خدات ليها الورقة و لاحتها) : يا ربي أشمن دنب درت باش نتصاحب مع وحدة قراية ، واش ناس كيخرجو من الامتحان و كنساوه و نتي باغا مزال تفكريني فالاجوبة الكارتية للي كتبت
نهال : وا تي مالك ا المصيبة ، را بغيت غير نشوفو واش الاجوبة مزيانة و لا لا
هاجر : صافي ا لالة عارفينك غادي تفزعينا فالنقط، دبا زيدي قدامي
نهال : فييين غادا بيا ؟
هاجر : يا ربي تصبرني على هاد البنت ، شوفي ا زين نتي عارفاني إلا مشيت حتا ساليت الامتحانات خاصني نمشي نفوج فشي بلاسة باش نرتاح ، داكشي علاش حنا غادي نمشيو للمول للي حدا البحر
نهال : و باااز ، اللي يسمعك يقول باللي هاد الدرية ظل النهار و ما طال و هي تحفظ ههه، و نتي النهار و ما طال و نتي ناعسة
هاجر : و زيدي زيدي
مشينا انا و ديك الحمقة المول، خدينا بعدا باش نعمرو كروشنا، و من بعد عطيناها الدوران فالمحلات، قيسنا شلا كساوي و سراول، مخلينا حتا حاجة ، و فاللخر مكنشريو والو .
من بعد خرجنا نتمشاو حدا البحر و هو يبان لينا مول الصوفة، مشينا كنجريو لعندو و شدينا الصف . لقينا تماك زوج بنات كيهدرو مع بعضياتهم .
البنت 1 : ناري اختي شحال كيبان زوين فالحقيقة
البنت 2 : ااااه ا ختي ، غزااال بزاااف ، انا شوية كنت نسخف قدامو
البنت : وي بصح اختي، شكون كان يقول باللي غنشوفو عمران هنا و بهاد الشكل
انا غير سمعت سمية عمران نقزت عند ديك البنت حتا خلعتها مسكينة
نهال : واش قلتي عمران ؟ عمران التازي المغني المشهور ياك ؟
البنت 1 (و هي مصدومة مني) : ااه ا ختي هو هداك
نهال : عفاك فين شفتيه ؟ و ايمتا ؟
البنت 1 : حدا البحر كان خارج من ديك القهوة اللي لهيه
نهال : هاجر واش سمعتي اش قالت ؟ عمران كاين هنا ، انا خاصني نمشي دبا نشوفو
هاجر (جراتها من ايدها) : اجي لهنا ا الحمقة ، را البنت قالت ليك بللي كان خارج من القهوة ، يعني غادي يكون مشا دبا .
نهال : لا لا أ هاجر ميمكنش يمشي قبل ما نشوفو ، انا متاكدة باللي راه باقي
البنت 2 : لا أ ختي حنا را شفناه هدي نص ساعة و شفناه ركب فالسيارة هو و البنت اللي كانت معاه
نهال (تصدمات ) : قلتي بنت ؟
البنت 2 : اه ، كانت معاه واحد البنت زوينة بزااف و انيقة ، كانو خارجين من المطعم و حنا شفناهم و مشينا تصورنا معاه
البنت 1 : فالحقيقة سعداات هاديك البنت اللي كانت معاه ، غتكون محظوظة بزااف إلا كانت خطيبتو
البنت 2 : وي بصح ، وخا حتا هي زوينة و جات معاه
انا مبقيتش قادرة نزيد حتا دقيقة من مورا هاد الشي اللي سمعت ، سمحت حتا فالصوفا اللي كنت مشهية و مشيت و هاجر تبعاتني
بارت 10
هاجر : نهااااال وقفي ا صحبتي مالك. ... نهال واش كتبكي !!!!!؟؟؟؟
نهال : و اشنو بغيتيني ندير ا هاجر ؟
هاجر : انا فالحقيقة مكنتش متوقعة تكوني باغاه تال هاد الدرجة ، كنت كنظن باللي إعجاب عادي و صافي
نهال : حتا انا هدشي اللي كان كيحساب ليا ، و لكن مللي سمعت الهدرة ديال دوك البنات على البنت اللي كانت معاه معرفتش علاش حسيت بالغيرة
هاجر : فالصراحة معرفتش اشنو نقول ليك، ندمتيني علاش قلت ليك نخرجو ا المصيبة هههه
نهال : ههه ضحكتيني وخا ما فيا اللي يضحك
هاجر : صافي يالاه نرجعو للدار حسن
نهال : اوكي
رجعت للدار ، العشية كاملة كنحاول ننسا داك الموضوع ديال عمران ، حيت فعلا حسيت بغيرة كبيرة فديك اللحظة ، تقدرو تقولو كيفاش هدشي و انا كنشوفو غير فالتلفزة. فالحقيقة انا عمران معجبنيش غير كمغني و لا شاب زوين ، و لكن عجباتني حتا تصرفاتو و طريقتو فالهدرة مع الناس و احترامو المعجبين ديالو . يعني انا شفت فيه شخصيتو كإنسان و ماشي غير صورة النجم و الفنان.
بقيت جالسة كنفكر فهادشي اللي وقع اليوم ، شوية تفكرت واحد الحاجة و طلعت كنجري لبيتي باش نقلب عليها . حليت الماريو ديالي و جبدت العلبة اللي كنخبي فيها الحوايج المهمة ، بقيت كنقلب فيها حتا لقيتو. كان واحد الشال ديال عمران .
اكيد باغين تعرفو كيفاش وصل عندي. انا غادي نشرح ليكم.
العام اللي فات كان عمران نظم حفلة هنا فمدينتنا، انا و هاجر حاربنا باش لقينا 2 تداكر، حيت الحفلات ديالو ديما كتكون عااامرة و كيخصك إلا بغيتي تحضر ، تاخد التدكرة ديالك شهر قبل على الأقل .
مشيت انا و هاجر للحفلة و بقينا كنغوتو و نغنيو مع عمران اللي دائما كيخلي الجمهور ديالو غادي يحماق عليه ، و فواحد اللحظة حيد الشال ديالو من عنقو و لاحو لجيهتنا، و بالطبع انا غير شفتو معقلت على حتا شي وحدة بقيت ندافع معاهم حتا جا الشال فايدي، كنت غادي نطير بالفرحة و بقيت كنغوت بحال الحمقة ، خصوصا مللي شفت عمران مبتسم ليا و سيفط ليا بوسة فالهوا، من بعدها ما عقلت على والو حتا عاودات ليا هاجر هههههه.
بقيت شادا الشال شحال و انا كنشوف فيه، فواحد الجنب منو كانو مكتوبين زوج حروف بالفرنسية I et T يعني Imrane Tazi.
بقيت كنشم فيه ، ريحتو بقا لحد الأن لاصقة فالشال.
اووف الله يعفو عليا من هاد الحب المجنون ، ههه دعيو معايا ا البنات عفاكم. جمعت داكشي و رجعت البواطة لبلاستها و مشيت ننعس.
دازت واحدة زوج أسابيع بقيت جالسة فيها غير فالدار و انا شداني الخلعة من نتيجة الامتحانات.
وصل النهار اللي غادي يعلقو لينا فيه النتائج ، نضت فالصباح بكري وخا مجانيش النعاس الليل كامل ، دوشت و صليت ، من بعد لبست حوايجي و خرجت بالزربة باش نتلاقا بهاجر و نمشيو نشوفو النتيجة.
نهال : الو هاجر . واش خرجتي من الدار و لا مزال ؟
هاجر : وا راني خرجت ا صاحبتي ، انا شوية و نكون عندك
نهال : اوكي مزيان ، غادي تلقايني كنتسناك حدا البحر قدام المطعم ديال الحوت ياك عارفاه
هاجر : اه صافي عرفتو، أجي بعدا هاد الترعيدة اللي فصوتك واش من البرد ديال البحر و لا من الخلعة ديال النقط ههه
نهال : ناري سكتي ا صاحبتي اللي فيا يكفيني
هاجر : ههه عارفاك خوافة
نهال : اوا باااز ، معرفت شكون اللي مللي كتقفرها فالامتحان كتجي تبات عندي باش باها ميديرش ليها حالة ههه
انا بقا كنهدر معا هاجر فالتلفون و كنضحك، حتا تساطحت مع شي حد ، و معا هو كان كيجري طحت و طيحتو معايا .
يالاه بغيت نوض و نقول ليه سمح ليا ، هزيت فيه عيني و انا تجمد فبلاستي.
نهال : لا ميمكنش، عمران التازي !!!!!!
هاجر : ألوووو، نهااااال ألوووو
بارت 11
نهال : لا ميمكنش، عمران التازي !!!!!!
هاجر : ألوووو، نهااااال ألوووو
عمران وقف و مد ليا يدو باش نوض من الأرض ، وقفت حتا انا واخا مزال ما متيقة باللي هو فعلا كاين قدامي
عمران : مادموزيل واش نتي لاباس ؟
نهال : اا ....ااه الحمد الله لاباس
عمران : سمحي ليا مقصدتش يوقع بحال هاكا
نهال : لا مكاين لاش تعتادر، الخطأ كان ديالي كنت كنهدر فالتلفون و منتبهتش للطريق
عمران : على كل الحال ، انا عمران
نهال : انت كنعرفك، داكشي علاش متوقعتش نشوفك
عمران : هه، فالحقيقة انا كنت خارج نجري.... (قاطعاتو نهال)
نهال : اه عارفة ، نتا يوميا كتخرج تجري ساعتين حدا البحر
عمران (شاف فيها بدهشة): فالحقيقة دهشتني فالهدرة ديالك،يعني نقدر نعتبر باللي نتي معجبة ديالي ؟
نهال :ههه ممكن
عمران : واش ممكن نعرف الاسم ديال هاد المعجبة الزوينة اللي قدامي ؟
نهال (و هي حشمانة) : نهال ، سميتي نهال
عمران (مد ليها يدو و هو مبتسم) : متشرف بمعرفتك ا نهال
نهال : حتا انا
فهاد اللحظة اللي كنا كنسلمو على بعضنا ، وصلات هاجر اللي مسكينة كانت غادي تسخف بقوة الصدمة ، حتا هي بحالي مصدقاتش اني واقفة مع عمران و هو شاد ليا يدي و كيضحك معايا .
هاجر : احم احم
نهال (دارت عندها): هاجر وصلتي ، سي عمران هادي هاجر صديقتي المقربة
عمران (شاف فهاجر و ابتسم ليها): متشرف بمعرفتك ا هاجر
هاجر (بقات واقفة شحال كي جماد عاد جاوبات) : اا.. حتا انا سعيدة حيت شفتك ، نهال خاصنا نمشيو را تعطلنا
نهال :اه بصح
عمران : واش خاصكم تمشيو لشي بلاصة
نهال : اه للكلية.... ليوم غادي يعلقو لينا النتائج
عمران : إلا بغيتو نقدر نوصلكم
انا و هاجر شفنا فبعضنا بواحد الدهشة ، مصدقناش هادشي اللي كنعيشوه
نهال :لا مكاين لاش ، حنا نمشيو بوحدنا
هاجر (قرساتني حتا كنت غنغوت): لا راه مشا الحال على الطوبيس، و زيدون سي عمران الفنان ديالنا عرض علينا باش يوصلنا منقدروش نرجعوها فوجهو
عمران : ههه اوكي تسناوني 5 دقايق نجيب السيارة من الشارع اللي اللور و نجي عندكم
نهال :اوكي
غير مشا عمران وانا نبدا نغوت لهاجر تما فالشارع هههه
نهال : هاااااجر، واش شفتي ؟ عمران وقف معايا و ضحك معايا ، انا ممصدقاش ا صاحبتي ممصدقاش
هاجر : و غير بشوية عليك ا الحمقة لا تسخفي ليا هنا و يرجع السيد و ما نلقاو ما نهزو فيك ههه
نهال : اجي بعدا ؟ علاش عطيتيني ديك القرسة قدام عمران ؟
هاجر : اااه فكرتيني، بلاتي نزيدك وحدة أخرى
قرساتني بنت الحرام عوتاني و انا كنغوت لربي اللي خلقني ، حيت ديك الشيطانة يدها مسمومة.
نهال : وا صافي بعدي مني
هاجر : واش ا الحمقة السيد اللي نتي مصدعة ليا راسي بيه ، جابو الله تال عندك و قال ليك يوصلنا و نتي كتقولي ليه مكاين لاش
نهال : وا صافي را مكنتش عارفة راسي اش كنقول.
بارت 12
يالاه جات هاجر تهدر و هو يوصل عمران ، هاديك الجنية سبقاتني و طلعات اللور و خلاتني انا نركب حداه القدام .
بقينا غادين فالطريق و مرة مرة عمران كيجبد معايا شي موضوع ، بحال القراية فالكلية و ما جاوره.
قربنا حدا الكلية و انا تشدني الخلعة ديال ديما ، يدي بدات كترعد غير بوحدها ، شوية عمران وقف السيارة و حيد السمطة و دار عندي .
نهال : علاش وقفتي هنا ؟
عمران (شاف فيا شحال و هدر ) : واش خايفة ؟
نهال :ااه ، بزااف
هاجر : هادي هي حالتها ديما ، كظل تحفظ و تخدم و فاللخر تبقى مخلوعة و مللي تطلع النتيجة كنلقاوها هي اللولة هههه
نهال (فخاطرها): سيري ا هاجر الله يغبر لبوك الشقف
عمران (بدا كيضحك) : ههه هادوك هما الناس الناجحين ، هداك هو سر التفوق ديالهم
شوية شد ليا فيدي اللي كانت اصلا كترعد ، أما دبا مللي قرب ليا زاد كمل عليها ههه
عمران (كيشوف فيها و مبتسم ) : خاصك تعرفي حاجة وحدة ا نهال ، إلا كنتي خايفة من شي حاجة عمرك تهربي منها ،خاصك تواجهيها بكل تقة فالنفس، حيت إلا خليتي الخوف يسيطر عليك عمرك تقدري تحكمي فحياتك، ديما الخوف غادي يبقى مقيد ليك حياتك ، فهمتي؟
نهال : اه ،شكرا بزاف على المساعدة
عمران : هدا واجب ، و كنتمنى تكون النتائج ديالكم بزوج كتفرح
وصلنا عمران للكلية و مشا ، و خلا بالي كلو معاه ، بقيت كنفكر فالهدرة اللي قال ليا و داكشي كامل اللي وقع بيناتنا اليوم .
مهيم دخلنا لقيت راسي جبت نقط مزيانة بزاااف ، و حتا هاجر جابت مزيان . فرحنا و نشطنا مع صحابنا ديال القسم و من بعد جلسنا كاملين فالقهوة باش ناكلو شي حاجة .
=》عند عمران اللي جالس فقهوة مع منال
منال (شادة ليه فيدو) : الصراحة ا عمران ، انا عمري توقعت أننا نوليو قراب من بعضنا لهاد الدرجة و بهاد السرعة ، نتا معرفش باش كنحس من جيهتك ،انت وليتي مهم بزااف فحياتي .
عمران لا جواب ، غير ساهي و كيفكر
منال : عمرااان!!!.......فاش كتفكر
عمران : ااا....سمحي ليا أنا غير سهيت شوية
منال (ملامح الحزن على وجهها) : واش عارف باللي البنت المحظوظة هي اللي الشاب كيفكر فيها وخا مكايناش حداه ، و البنت غير المحظوظة هي اللي وخا كاينة معاه هو كيفكر فوحدة أخرى ،و انا دبا بان ليا باللي انا غير محظوظة
عمران : لا متقوليش هكا ، انا غير كنت كنفكر و صافي
منال : اوكي ماشي مشكل، انا دبا خاصني نمشي للخدمة
عمران :واش نوصلك ؟
منال : لا بلاش ، جبت معايا سيارتي
عمران : اوكي
منال باستو فحنكو و مشات ، أما هو فرجع كيفكر فالموضوع اللي شاغل بالو الصباح كامل
عمران (مع راسو ) : اووف علاش انا مزال كنفكر فهاديك البنت ، علاش ؟
معرفتش شنو اللي عجبني فالعفوية ديالها ، من غير أنها بنت زوينة و لكن كتميز بواحد البساطة تخلي أي واحد يبغيها . و انا معاها حسيت براسي مرتاح
بزاااااف ، و حتا فاش كانت خايفة من الامتحان ديالها عجباتني بزااف و حسيت براسي مسؤول على أنني نبعد عليها داك الخوف و نكون بجنبها .
اه ا نهال اشنو درتي فيا ؟
و المشكلة حتا منال مكنتش عارفها اشنو كتقول ليا دبا ، محسيتش بالوجود ديالها بحال ديما. ولات كتجيني علاقتي بيها جامدة بزاااف .
اوووف اش كنخربق انا ؟ منال ولات متعلقة بيا و انا مخسنيش نضحك عليها على قبل بنت شفتها مرة وحدة و نقدر عمري نعاود نشوفها . صافي غادي نحاول نساها، اه غادي نساها .
بارت 13
دازت أيام أخرى ، بقات منال كتقرب فيها من عمران و كتزيد تعلق بيه ،أما هو فالمشاعر ديالو تخربقات عليه و ما بقا عارف ما يدير ، من جهة منال اللي كتبان مناسبة ليه كشريكة حياتو و من جهة نهال البنت اللي تعلق قلبو بيها من أول نظرة .
=》عند عائلة التازي
سي أحمد : سمعني ا ولدي ، انا عمري فحياتي بززت عليكم شي حاجة ، أي حاجة كنت كنخليكم ديروها على حساب الرغبة ديالكم ، حتا مللي رفضتي الخدمة فالشركة ، و ختاريتي الغناء ، انا وافقت حيت هاديك حياتك . و لكن اليوم و لأول مرة غادي نتدخل و نطلب منك شي حاجة
عمران : غير قول ا بابا
سي أحمد : انا شفت شحال وليتو نتا و منال قراب من بعضياتكم، و حتا نبيل كان كيعاود ليا عليكم ، فالا كانت البنت عاجباك، نمشيو نخطبوها ليك
عمران (نزل عليه هاد الخبر بحال الصاعقة ) : و لكن ا بابا ....
مدام سهام : سمعني ا ولدي ، انا و باباك مقلنا ليك هاد الهدرة إلا من بعد تفكير طويل ، و لقينا فعلا باللي منال هي البنت المناسبة باش تكون مراتك.
عمران : انا فالصراحة صدمتوني بالهدرة ديالكم ، و لكن نتوما كتعرفو حسن مني ، و اللي بغيتوها نديرها معاكم.
مدام سهام : الله ارضي عليك ا ولدي ، فرحتيني بهاد الشي
عمران : و لكن فالأول خاصني نعرف الرأي ديال منال ، و خاصكم تخليوني انا اللي نقولها ليها و نطلب ايدها بطريقتي .
سي أحمد : عندك الحق ا ولدي ، حنا ما علينا غير إلا البنت وافقات نمشيو نخطبوها ليك .
عمران : شكرا ا بابا ، نخليكم دبا .
طلع عمران لبيتو و جلس كيفكر فهاد المشكلة اللي حطو فيها الأب ديالو ، هو فعلا معجب بمنال و لكن ماشي بالشكل اللي هي و عائلتو كيتصوروه. و حتا كون بغا يتزوج بها فماشي بهاد السرعة ، هو خاصو مزال الوقت باش يتأكد من المشاعر ديالو من جيهتها ، و زيد عليها القصة ديال نهال، البنت اللي خطفت ليه قلبو .
بقا عمران كيدي و يجيب فهاد الأفكار ، فالأخير قرر انه لمرة وحدة يحاول يتبع الاختيار ديال واليديه و يتيق فيهم . جبد التلفون ديالو و اتصل بمنال و عرض عليها للعشا غدا بالليل .
منال من جيهتها كانت غادي طير بالفرحة ، مشات للدار و بقات شحال و هي كتفكر اشنو غادي تلبس الغد ليه . فاللخر مشات عند نهال و طلبات المساعدة ديالها .
منال : نهال ....نقدر ندخل
نهال : اه ا ختي تفضلي
منال : فالحقيقة انا اليوم محتاجة المساعدة ديالك فواحد الموضوع
نهال : أشمن موضوع ا ختي ؟
منال : هادي مدة قصيرة باش تعرفت على واحد الشاب ، و الصراحة انا تعلقت بيه بزااف و وليت كنبغيه ، و هو عارض عليا غدا للعشا ، و انا بغيت نبان زوينة و مميزة بزاااف ، و تلفت مبقيت عارفة منختار. و جيت عندك باش تعاونيني
نهال : اووو هادشي جديد علينا ا لالة ،ههه اوا شكون هو هاد سعيد الحظ اللي قدر يخطف قلب ختي الغزالة ؟
منال : ههه من بعد و تعرفيه، خليها مفاجئة
نهال : واخا ا لالة
منال : اوا دبا غادي تعاونيني
نهال : بالطبع غادي نعاونك ، إلا ما عاونت ختي شكون غادي نعاون
منال : لهلا يخطيك عليا
بارت 14
=》عند نهال
اليوم جات عندي ختي و اعترفت ليا بللي كاين واحد الشاب فحياتها و كتبغيه بزاف . و طلبات مني اني نعاونها باش تختار اللبسة اللي غادي تمشي بيها عندو. مشيت معاها و بقينا شحال و حنا كنقلبو، فاللخر ختارينا واحد الكسوة فالزرق.
الغد ليه عاونتها باش صاوبات شعرها و درت ليها الماكياج و لبسات الكسوة ، جات غزاااالة بزاااف و فرحت ليها و تمنيت ليها كل السعادة مع الشاب اللي بغاه قلبها .
=》عند منال و عمران فالمطعم
عمران : مرحبا بيك ا منال
منال : شكرا
عمران : جيتي زوينة بزااف
منال : شكرا ا عمران
عمران : تفضلي جلسي
منال : فالصراحة المطعم زوين بزااف، اختيارك رائع
عمران : هادي أقل حاجة تليق ببنت بحالك
منال : فالتلفون كنتي قلتي ليا باللي باغي تهدر معايا فشي موضوع مهيم ياك ؟
عمران : اه ، انا اليوم جبتك باش نهدر معاك فشي حاجة مهمة و متعلقة بحياتنا بزوج
منال : هه خلعتيني ا عمران
عمران : هه معندك علاش تخلعي . منال انا ياك وخا هادي مدة قصيرة باش تعرفنا على بعضنا ، و لكن ولات بيناتنا علاقة صداقة زوينة ، مبنية على الصدق و الاحترام ، و لكن فالحياة الإنسان كايخصو يبني علاقات أخرى من غير الصداقة ، و من بين هاد العلاقات كاين الزواج اللي هو أهم علاقة فيهم.
كيقولو فبعض الكتب باللي ماشي بالضرورة تلقى فالزوج المتالي صديق متالي ، و لكن اكيد غادي تلقى الزوج المتالي فالصديق المتالي . بمعنى آخر ، إلا نتي وافقتي، نقدرو بمساعدة علاقة الصداقة القوية اللي بيناتنا نبنيو علاقة زواج ناجحة .
عمران (شد ليها فيدها و جبد خاتم باليد الاخرى ) : منال الناجي ، واش تقبلي تزوجي بيا ؟
منال (تصدمات بالفرحة ) : موافقة ا عمران موافقة و من شحال هادي
ناضت عندو و عنقاتو و حتا هو ضمها و كلشي اللي فالمطعم بدا كيصفق ليهم .
=》عند منال
أنا اليوم أسعد انسانة فالعالم ،و أخيرا داكشي اللي حلمت بيه شحال غادي يتحول لحقيقة . عمران التازي طلبني للزواج.
من بعد ما
كملنا العشا انا و عمران و وصلني للدار ، طلعت لبيتي و انا غنطير بالفرحة و كنغني ، تلاقيت بنهال و عاودت ليها علا داكشي اللي وقع و حتا هي فرحات ليا بزاف ، و لكن ما قلتش ليها السمية ديالو بغيت نخليها مفاجئة .
الغد ليه هدرت مع ماما فهاد الموضوع ، فرحات ليا و طلبت منها تقولها لبابا ، و اللي بدورو وافق و طلب مني نعلم عمران باش يجي هو و عائلتو السيمانة الجاية باش يخطبوني .
داز الأسبوع عامر بالتحضيرات، ماما مسكينة ما خلاتش من جهدها، وجدات جميع انواع الحلويات و العصير ،و قادات الدار مزياااان .
أما بابا مسكين فالسيمانة كاملة و هو يعطيها فالفلوس، و كل مرة تعيط ليه و تقول ليه جيب معاك هادي و هادي.....
=》عند نهال : يوم الخطوبة
نهال : ختي سربي شوية را غادي تعطلي على الكوافورة
منال : هانا واجدة صافي خلينا نمشيو
مشينا انا و منال و هاجر الصالون باش يصاوبو ليها على قبل الخطوبة ديالها
هاجر : نهال ...واش مغديش نصاوبو حتا حنا ؟
نهال : مكاين لاش ا هاجر ، اليوم النهار ديال ختي ، هي اللي خاصها تقاد
منال : كيفاش مغديش تصاوبي ؟ بزز منك حتا نتي غادي تجلسي و اللي داروها ليا حتا نتي يديروها ليك
=》عند نهال
اليوم جات عندي ختي و اعترفت ليا بللي كاين واحد الشاب فحياتها و كتبغيه بزاف . و طلبات مني اني نعاونها باش تختار اللبسة اللي غادي تمشي بيها عندو. مشيت معاها و بقينا شحال و حنا كنقلبو، فاللخر ختارينا واحد الكسوة فالزرق.
الغد ليه عاونتها باش صاوبات شعرها و درت ليها الماكياج و لبسات الكسوة ، جات غزاااالة بزاااف و فرحت ليها و تمنيت ليها كل السعادة مع الشاب اللي بغاه قلبها .
=》عند منال و عمران فالمطعم
عمران : مرحبا بيك ا منال
منال : شكرا
عمران : جيتي زوينة بزااف
منال : شكرا ا عمران
عمران : تفضلي جلسي
منال : فالصراحة المطعم زوين بزااف، اختيارك رائع
عمران : هادي أقل حاجة تليق ببنت بحالك
منال : فالتلفون كنتي قلتي ليا باللي باغي تهدر معايا فشي موضوع مهيم ياك ؟
عمران : اه ، انا اليوم جبتك باش نهدر معاك فشي حاجة مهمة و متعلقة بحياتنا بزوج
منال : هه خلعتيني ا عمران
عمران : هه معندك علاش تخلعي . منال انا ياك وخا هادي مدة قصيرة باش تعرفنا على بعضنا ، و لكن ولات بيناتنا علاقة صداقة زوينة ، مبنية على الصدق و الاحترام ، و لكن فالحياة الإنسان كايخصو يبني علاقات أخرى من غير الصداقة ، و من بين هاد العلاقات كاين الزواج اللي هو أهم علاقة فيهم.
كيقولو فبعض الكتب باللي ماشي بالضرورة تلقى فالزوج المتالي صديق متالي ، و لكن اكيد غادي تلقى الزوج المتالي فالصديق المتالي . بمعنى آخر ، إلا نتي وافقتي، نقدرو بمساعدة علاقة الصداقة القوية اللي بيناتنا نبنيو علاقة زواج ناجحة .
عمران (شد ليها فيدها و جبد خاتم باليد الاخرى ) : منال الناجي ، واش تقبلي تزوجي بيا ؟
منال (تصدمات بالفرحة ) : موافقة ا عمران موافقة و من شحال هادي
ناضت عندو و عنقاتو و حتا هو ضمها و كلشي اللي فالمطعم بدا كيصفق ليهم .
=》عند منال
أنا اليوم أسعد انسانة فالعالم ،و أخيرا داكشي اللي حلمت بيه شحال غادي يتحول لحقيقة . عمران التازي طلبني للزواج.
من بعد ما
كملنا العشا انا و عمران و وصلني للدار ، طلعت لبيتي و انا غنطير بالفرحة و كنغني ، تلاقيت بنهال و عاودت ليها علا داكشي اللي وقع و حتا هي فرحات ليا بزاف ، و لكن ما قلتش ليها السمية ديالو بغيت نخليها مفاجئة .
الغد ليه هدرت مع ماما فهاد الموضوع ، فرحات ليا و طلبت منها تقولها لبابا ، و اللي بدورو وافق و طلب مني نعلم عمران باش يجي هو و عائلتو السيمانة الجاية باش يخطبوني .
داز الأسبوع عامر بالتحضيرات، ماما مسكينة ما خلاتش من جهدها، وجدات جميع انواع الحلويات و العصير ،و قادات الدار مزياااان .
أما بابا مسكين فالسيمانة كاملة و هو يعطيها فالفلوس، و كل مرة تعيط ليه و تقول ليه جيب معاك هادي و هادي.....
=》عند نهال : يوم الخطوبة
نهال : ختي سربي شوية را غادي تعطلي على الكوافورة
منال : هانا واجدة صافي خلينا نمشيو
مشينا انا و منال و هاجر الصالون باش يصاوبو ليها على قبل الخطوبة ديالها
هاجر : نهال ...واش مغديش نصاوبو حتا حنا ؟
نهال : مكاين لاش ا هاجر ، اليوم النهار ديال ختي ، هي اللي خاصها تقاد
منال : كيفاش مغديش تصاوبي ؟ بزز منك حتا نتي غادي تجلسي و اللي داروها ليا حتا نتي يديروها ليك
بارت 15
جلست بزز مني حتا انا باش نصاوب ، حتا هاجر كانت طالبة عليها ، تا هي جلسات باش تصاوب .
مهيم بقينا شي 4 سوايع فداك الصالون، بقاو هادوك البنات اللي تما كيلعبو بينا بحال المونيكات.
منال صاوبات شعرها بوكلي و دارت ماكياج شوية تقيل ، أما أنا و هاجر صاوبنا شعرنا سامبل و درنا ماكياج خفيف.
رجعنا للدار و بدلنا حوايجنا، منال لبسات قفطان فالبيج و مرصع بالحجاري ، انا لبست قفطان فالموف خفيف و هاجر لبسات قفطان فالغوز.
بقينا جالسين كنضحكو مع منال و كنخلعوها، كنقولو ليها دبا تخايلي بابا ميقبلش هاد الخطيب ديالك اشنو غادي ديري ديك الساعة ، واش بحال الافلام الهندية تهزي حوايجك و تهربي معاه و تزوجو فالسر و من بعد ترجعو عند بابا و تقولو ليه سمح لينا و بارك لينا زواجنا هههه .
بقينا جالسين شي ساعة ، شوية سمعنا الصونيت فالباب ، منال مسكينة بدات ترعد غير بوحدها ، خليناها بوحدها و هبطنا عند ماما و بابا التحت باش نستقبلو الناس (بيني و بينكم هبطنا باش نبركوو نشوفو واش العريس زوين و لا لا ) ههه.
سي عبد الرحيم : تفضلو تفضلو ا سيدي مرحبا
سي أحمد : شكرا ، نعرفك على عائلتي،
هادي مراتي سهام ،هادا ولدي الكبير نبيل
هاجر (كتهدر لنهال فودنها ) : واااو زوين اختي ، باينة هو العريس
سي أحمد : و هادي مراتو نجلاء و بنتهم سارة
نهال (شافت فهاجر اللي حشمات و بدات تضحك عليها ) : كنقول ليك ما تبقايش تزربي ا المصيبة
سي أحمد : و هادا ولدي الصغير ياسر
هاجر يالاه جات تدوي و انا نسكتها
نهال : وا قولي حتا هاد البرهوش هو العريس هههه
هاجر : وا ختي را ما بقا حتا واحد مزال، فين هاد عريس الغفلة
شوية و هو يدخل اللي معمري توقعت نشوفو هنا و فهاد الظروف
سي أحمد : سي عبد الرحيم ، كنقدم ليك ولدي عمران ، و هو اللي جايين نخطبو ليه بنتكم منال إلا بغا الله .
انا فهاد اللحظة حسيت بالدنيا مشات و جات بيا ، حسيت براسي كنغرق و مكاين حتا واحد اللي يعتقني، بغيت نبكي و نغوت و لكن مقدرتش .
هاجر مسكينة بقات شادة فيا حيت خافت لا نطيح قدامهم.
و بقينا واقفين كنشوفو هادشي اللي واقع قدام عينينا
سي عبد الرحيم : يكون خير ان شاء الله ، حتا انا نعرفكم على عائلتنا الصغيرة .
هادي مراتي لطيفة
لالة لطيفة : مرحبا بيكم
مدام سهام : شكرا ا لالة
سي عبد الرحيم : هادا ولدي الصغير سامي ، و هادي
بنتي نهال و صاحبتها هاجر
عمران هز عينيه و شاف فيا ، حتا هو بان ليا تصدم مللي شافني هنا ، بداو كيسلمو علينا و انا غير مادا يدي ليهم ، أما عمران فمحيدتش عيني عليه . شوية وصل عندي داك خوه الصغير ياسر ، اللي مرتحيتش ليه ، و حتا الطريقة باش سلم عليا معجبتنيش.
شوية وصل عندي عمران ، بقينا واقفين شحال كنشوفو فبعضياتنا و كنحاولو نفهمو هادشي اللي واقع .
سي عبد الرحيم : بنتي نهال ، الولد مد ليك ايدو باش يسلم عليك ، حشومة تبقاي واقفة هاكا
نهال : ااا....سمح ليا ا بابا ، متشرفة بمعرفتك مرحبا بيك
عمران : شكرا
نهال : سمحو ليا غادي نطلع عند ختي دبا
بغيت نمشي و لكن عمران بقا شاد ليا يدي و مزير عليها ، درت نشوف فيه باش يطلق مني ، لقيتو كيشوف فيا بطريقة غريبة ، درت ليه إشارة لجيهة أيدي زعمة طلق مني ، عاد فهم راسو و طلقها .
و انا طلعت كنجري عند منال باش نفهم اش واقع ، و تبعتني هاجر .
جلست بزز مني حتا انا باش نصاوب ، حتا هاجر كانت طالبة عليها ، تا هي جلسات باش تصاوب .
مهيم بقينا شي 4 سوايع فداك الصالون، بقاو هادوك البنات اللي تما كيلعبو بينا بحال المونيكات.
منال صاوبات شعرها بوكلي و دارت ماكياج شوية تقيل ، أما أنا و هاجر صاوبنا شعرنا سامبل و درنا ماكياج خفيف.
رجعنا للدار و بدلنا حوايجنا، منال لبسات قفطان فالبيج و مرصع بالحجاري ، انا لبست قفطان فالموف خفيف و هاجر لبسات قفطان فالغوز.
بقينا جالسين كنضحكو مع منال و كنخلعوها، كنقولو ليها دبا تخايلي بابا ميقبلش هاد الخطيب ديالك اشنو غادي ديري ديك الساعة ، واش بحال الافلام الهندية تهزي حوايجك و تهربي معاه و تزوجو فالسر و من بعد ترجعو عند بابا و تقولو ليه سمح لينا و بارك لينا زواجنا هههه .
بقينا جالسين شي ساعة ، شوية سمعنا الصونيت فالباب ، منال مسكينة بدات ترعد غير بوحدها ، خليناها بوحدها و هبطنا عند ماما و بابا التحت باش نستقبلو الناس (بيني و بينكم هبطنا باش نبركوو نشوفو واش العريس زوين و لا لا ) ههه.
سي عبد الرحيم : تفضلو تفضلو ا سيدي مرحبا
سي أحمد : شكرا ، نعرفك على عائلتي،
هادي مراتي سهام ،هادا ولدي الكبير نبيل
هاجر (كتهدر لنهال فودنها ) : واااو زوين اختي ، باينة هو العريس
سي أحمد : و هادي مراتو نجلاء و بنتهم سارة
نهال (شافت فهاجر اللي حشمات و بدات تضحك عليها ) : كنقول ليك ما تبقايش تزربي ا المصيبة
سي أحمد : و هادا ولدي الصغير ياسر
هاجر يالاه جات تدوي و انا نسكتها
نهال : وا قولي حتا هاد البرهوش هو العريس هههه
هاجر : وا ختي را ما بقا حتا واحد مزال، فين هاد عريس الغفلة
شوية و هو يدخل اللي معمري توقعت نشوفو هنا و فهاد الظروف
سي أحمد : سي عبد الرحيم ، كنقدم ليك ولدي عمران ، و هو اللي جايين نخطبو ليه بنتكم منال إلا بغا الله .
انا فهاد اللحظة حسيت بالدنيا مشات و جات بيا ، حسيت براسي كنغرق و مكاين حتا واحد اللي يعتقني، بغيت نبكي و نغوت و لكن مقدرتش .
هاجر مسكينة بقات شادة فيا حيت خافت لا نطيح قدامهم.
و بقينا واقفين كنشوفو هادشي اللي واقع قدام عينينا
سي عبد الرحيم : يكون خير ان شاء الله ، حتا انا نعرفكم على عائلتنا الصغيرة .
هادي مراتي لطيفة
لالة لطيفة : مرحبا بيكم
مدام سهام : شكرا ا لالة
سي عبد الرحيم : هادا ولدي الصغير سامي ، و هادي
بنتي نهال و صاحبتها هاجر
عمران هز عينيه و شاف فيا ، حتا هو بان ليا تصدم مللي شافني هنا ، بداو كيسلمو علينا و انا غير مادا يدي ليهم ، أما عمران فمحيدتش عيني عليه . شوية وصل عندي داك خوه الصغير ياسر ، اللي مرتحيتش ليه ، و حتا الطريقة باش سلم عليا معجبتنيش.
شوية وصل عندي عمران ، بقينا واقفين شحال كنشوفو فبعضياتنا و كنحاولو نفهمو هادشي اللي واقع .
سي عبد الرحيم : بنتي نهال ، الولد مد ليك ايدو باش يسلم عليك ، حشومة تبقاي واقفة هاكا
نهال : ااا....سمح ليا ا بابا ، متشرفة بمعرفتك مرحبا بيك
عمران : شكرا
نهال : سمحو ليا غادي نطلع عند ختي دبا
بغيت نمشي و لكن عمران بقا شاد ليا يدي و مزير عليها ، درت نشوف فيه باش يطلق مني ، لقيتو كيشوف فيا بطريقة غريبة ، درت ليه إشارة لجيهة أيدي زعمة طلق مني ، عاد فهم راسو و طلقها .
و انا طلعت كنجري عند منال باش نفهم اش واقع ، و تبعتني هاجر .
بارت 16
طلعت عند منال لبيتها، لقيتها جالسة و متوترة.
منال : واش جاو الناس ياك ؟
نهال (بزز كتخرج الهدرة) : ااه جاو ، ختي الشاب اللي هدرتي ليا عليه ....هو....عمران المغني ياك ؟
منال : اه هو ، فالحقيقة انا بغيت نديرها ليك مفاجئة حيت عارفا باللي كيعجبك الغناء ديالو
نهال : اه بصح ، كانت مفاجئة كبيرة بالنسبة ليا
منال : و لكن مالك ا حبيبة ؟ كتباني ليا مفرحاناش، واش مبغنيش نتزوج بعمران ؟
نهال : لا اختي ، الله يكمل عليكم بالخير ، انا فرحت ليك بزاااف
مشيت و عنقت منال و انا حابسة الدموع غير بزز .
هاجر : منال ختي ، انا و نهال غادي نهبطو دبا عندهم ، باش مللي يبغيو يعيطو ليك نعلموك حنا ، اوكي ؟
منال : اوكي ، غير سيرو انا غادي نبقا جالسة هنا كنتسنا
يالاه بغينا نمشيو انا و هاجر ، و هي تعيط ليا منال
منال : نهاااال
نهال : نعام ا ختي
منال : شكرا بزاف حيت وقفتي معايا اليوم ا ختي
نهال : متقوليش هكا ، راك ختي الوحيدة إلا مفرحتش ليك ، لمن غادي نفرح
منال ابتسمت ليا و خرجنا من الغرفة ديالها
=》عند منال مللي بقات بوحدها فالغرفة
منال : ههه قالت ليك فرحات ليا ، الله ينعل اللي ما يحشم . غير تسناي ا لالة نهال و شوفي عاد ختك الوحيدة كيفاش غادي تحرق ليك قلبك مزياااان.
=》عند نهال و هاجر
كنا هابطين فالدروج و حنا نتلاقاو بياسر خو عمران خارج من الحمام .شفنا فيه و كملنا طريقنا ، حتا كيشدي من يدي، درت عندو بالزربة
نهال : اش هاد قلة الأدب ا سيدي ؟ طلق مني
ياسر : اووو ميحسابش ليا باللي بنت زوينة بحالك لسانها طويل بحال هكا
نهال : راني قلت ليك طلق مني
ياسر : و إلا قلت ليك عجبتيني و مبغيتش نطلقك ، اشنو غاديري ؟
يالاه جيت نجاوب و هو يهدر شي واحد
عمران : ديك الساعة ا سي ياسر انا اللي غادي نجي نهرس ليك داك الراس
ياسر : و نتا مالك ، اش دخلك ؟ ياك ماشي هي خطيبتك، اوا دخل سوق راسك ، هادشي بيني و بينها
جا عمران جهتو وهو وجهو غادي يطرطق بالغضب ، نتر ليه يدو و وقف قدامي و تواجه معاه .
عمران : هاد البنت ما بينك و بينها والو ، و دبا عمري ما نلقاك كدور بيها ، كتسمع ؟
ياسر شاف فيه بغضب و بقا كيتحلف عليا ، و من بعد مشا بحالو .
عمران : نهال ، انا بغيت نهدر معا.....
قبل ما يكملها جريت هاجر من يدها و هبطنا عندهم لتحت.
بقاو العائلات بزوج كيتفاهمو بيناتهم ، تافقو على أن الخطوبة و تلباس الخواتم يكون اليوم ، و العرس من مورا شهر.
من بعد طلبو مني نطلع نعيط على منال . مشيت عندها للبيت و هبطتها معايا .
شوية قالت ليا ماما نجيب ليهم الصينية اللي فيها التمر و الحليب مع الخواتم .
مشيت و انا قلبي كيتقطع هزيت الصينية و جبتها ليهم .
وقفات منال مقابلة مع عمران و انا حداهم و كنشوف فيهم .
مدام سهام : ولدي خود الخاتم نتا اللول لبسو لخطيبتك
عمران هز الخاتم و بقا كيشوف فيا حتا توترت من النظرات ديالو . خدا الخاتم و لبسو لمنال و انا حابسة دموعي بزز.
شوية خدات منال الخاتم و بغات تلبسو لعمران، قبل ما تلبسو ليه دارت عندي و دارت فيا واحد الشوفة ممفهوماش.
يالاه قربات تلبسو ليه محسيتش براسي حتا دخت، و عمران بسرعة طلق من منال و جا شدني .
طلعت عند منال لبيتها، لقيتها جالسة و متوترة.
منال : واش جاو الناس ياك ؟
نهال (بزز كتخرج الهدرة) : ااه جاو ، ختي الشاب اللي هدرتي ليا عليه ....هو....عمران المغني ياك ؟
منال : اه هو ، فالحقيقة انا بغيت نديرها ليك مفاجئة حيت عارفا باللي كيعجبك الغناء ديالو
نهال : اه بصح ، كانت مفاجئة كبيرة بالنسبة ليا
منال : و لكن مالك ا حبيبة ؟ كتباني ليا مفرحاناش، واش مبغنيش نتزوج بعمران ؟
نهال : لا اختي ، الله يكمل عليكم بالخير ، انا فرحت ليك بزاااف
مشيت و عنقت منال و انا حابسة الدموع غير بزز .
هاجر : منال ختي ، انا و نهال غادي نهبطو دبا عندهم ، باش مللي يبغيو يعيطو ليك نعلموك حنا ، اوكي ؟
منال : اوكي ، غير سيرو انا غادي نبقا جالسة هنا كنتسنا
يالاه بغينا نمشيو انا و هاجر ، و هي تعيط ليا منال
منال : نهاااال
نهال : نعام ا ختي
منال : شكرا بزاف حيت وقفتي معايا اليوم ا ختي
نهال : متقوليش هكا ، راك ختي الوحيدة إلا مفرحتش ليك ، لمن غادي نفرح
منال ابتسمت ليا و خرجنا من الغرفة ديالها
=》عند منال مللي بقات بوحدها فالغرفة
منال : ههه قالت ليك فرحات ليا ، الله ينعل اللي ما يحشم . غير تسناي ا لالة نهال و شوفي عاد ختك الوحيدة كيفاش غادي تحرق ليك قلبك مزياااان.
=》عند نهال و هاجر
كنا هابطين فالدروج و حنا نتلاقاو بياسر خو عمران خارج من الحمام .شفنا فيه و كملنا طريقنا ، حتا كيشدي من يدي، درت عندو بالزربة
نهال : اش هاد قلة الأدب ا سيدي ؟ طلق مني
ياسر : اووو ميحسابش ليا باللي بنت زوينة بحالك لسانها طويل بحال هكا
نهال : راني قلت ليك طلق مني
ياسر : و إلا قلت ليك عجبتيني و مبغيتش نطلقك ، اشنو غاديري ؟
يالاه جيت نجاوب و هو يهدر شي واحد
عمران : ديك الساعة ا سي ياسر انا اللي غادي نجي نهرس ليك داك الراس
ياسر : و نتا مالك ، اش دخلك ؟ ياك ماشي هي خطيبتك، اوا دخل سوق راسك ، هادشي بيني و بينها
جا عمران جهتو وهو وجهو غادي يطرطق بالغضب ، نتر ليه يدو و وقف قدامي و تواجه معاه .
عمران : هاد البنت ما بينك و بينها والو ، و دبا عمري ما نلقاك كدور بيها ، كتسمع ؟
ياسر شاف فيه بغضب و بقا كيتحلف عليا ، و من بعد مشا بحالو .
عمران : نهال ، انا بغيت نهدر معا.....
قبل ما يكملها جريت هاجر من يدها و هبطنا عندهم لتحت.
بقاو العائلات بزوج كيتفاهمو بيناتهم ، تافقو على أن الخطوبة و تلباس الخواتم يكون اليوم ، و العرس من مورا شهر.
من بعد طلبو مني نطلع نعيط على منال . مشيت عندها للبيت و هبطتها معايا .
شوية قالت ليا ماما نجيب ليهم الصينية اللي فيها التمر و الحليب مع الخواتم .
مشيت و انا قلبي كيتقطع هزيت الصينية و جبتها ليهم .
وقفات منال مقابلة مع عمران و انا حداهم و كنشوف فيهم .
مدام سهام : ولدي خود الخاتم نتا اللول لبسو لخطيبتك
عمران هز الخاتم و بقا كيشوف فيا حتا توترت من النظرات ديالو . خدا الخاتم و لبسو لمنال و انا حابسة دموعي بزز.
شوية خدات منال الخاتم و بغات تلبسو لعمران، قبل ما تلبسو ليه دارت عندي و دارت فيا واحد الشوفة ممفهوماش.
يالاه قربات تلبسو ليه محسيتش براسي حتا دخت، و عمران بسرعة طلق من منال و جا شدني .
بارت 17
عمران : نهال ، واش لاباس ؟
لالة لطيفة : بنتي ، عفاك متخلعيناش عليك ، فيقي عفاك
سي عبد الرحيم : منال سربي جيبي لختك الما
نهال : انا لاباس ، متخلعوش عليا
عمران : كيفاش نتي لاباس ، شوفي حالتك كيدايرا ، مقادا حتا توقفي على رجليك
نهال : عفاك طلق مني ، انا قادرة نوقف
عمران : راسك قاسح، هانا طلقت منك
يالاه طلق مني عمران و بغيت نوقف و انا نعاود ندوخ
عمران (و هو هازني) : شفتي راك قادرة توقفي نيت ، عمي عفاك فين بيتها باش نديها ليه
سي عبد الرحيم : الفوق ا ولدي انا نمشي معاك
لالة لطيفة : حتا انا غادا مع بنتي
عمران بقا هازني و طلعني لبيتي الفوق و حطني فوق الناموسية. و ماما و هاجر جاو جلسو حدايا .
نهال : راكم بالغتو بزاااف ، انا معندي والو
سي عبد الرحيم : لا ا بنتي ، نتي راك مشفتيش راسك كيفاش طحتي. خليك اليوم مرتاحة فبلاستك
نهال : صافي ا بابا انا غادي نرتاح ، و لكن عفاكم
هبطو نتوما عند الناس را حشومة .
هاجر : بصح ، غير هبطو نتوما انا غادي نبقا معاها
سي عبد الرحيم : صافي واخا ،ها حنا هابطين
عمران (جا جيهتي و شد ليا يدي) : كنتمنا ليك الشفاء ، رتاحي شوية .
قال هاد الجملة و مشا خرج ، و جات عندي نهال حتا هي
منال : حبيبة ديالي ، خلعتينا عليك
نهال : معندي والو انا لاباس
منال : اوكي حبيبة ، نخليك ترتاحي و نتمنى ميوقعش ليك هاكا نهار عرسي
خرجات منال من البيت و بقيت غير انا و هاجر بوحدنا ، تما انفجرت بالبكا و خرجت كاع داكشي اللي كنت حابساه فقلبي
هاجر : غير بكي ا ختي بكي ، متبقايش اختي حابسة فقلبك
نهال (و هي كتبكي): انا غادي نموت ا هاجر ، غادي نموت ، كنت كنتمنا ان عمران يبقى بعيد على أنه يكون قريب بهاد الشكل ، واش فاهمة شنو معنى أن الرجل الوحيد اللي بغيت فحياتي غادي يولي راجل ختي ، و غادي نبقى نشوفو حياتي كاملة .
هاجر : عارفة ا حبيبة عارفة ، و لكن دبا اشنو غادي ديري ؟
نهال : معندي ما ندير ا هاجر ، هاديك را ختي الوحيدة و السعادة ديالها أهم من سعادتي ، انا غادي نحاول نتاقلم مع الوضع الجديد و ننسا عمران فخطرا.
هاجر : حبيبة ، خليك متاكدة باللي فأي قرار غادي تاخديه غادي تلقايني فجنبك و مسانداك
نهال : عارفة اللي كاين ا ختي ، عارفة
تعانقنا انا و هاجر و بقينا كنبكيو حتا شبعنا . من بعد ما خرجتش من بيتي باش منحضرش لباقي المراسم .
شوية كدخل عندي منال
منال : حبيبة ، كيبقيتي دبا شوية ؟
نهال : الحمد الله ا ختي ، دبا حسن من اللول
منال : عرفتي ا نهال ، انا اليوم أسعد وحدة فالعالم ، حيت ارتبطت بشخص بحال عمران
نهال (و قلبها كيتقطع ) : الله يكمل عليهم بالخير ا منال ، فرحت ليك بزااف
منال : اووو الغزالة ديالي ، بصح فرحتي ليا ؟
مهيم قولي ليا كيجاك الخاتم، هانتي شوفي
نهال : غزااال، جا معاك
منال : شكرا ا حبيبة ، مهيم انا دبا غادي نمشي نرتاح حيت عييت اليوم بزاااف ، و حتا نتي نعسي ليك شوية
نهال : اوكي
باستني منال فحنكي و خرجات متجهة لبيتها
عمران : نهال ، واش لاباس ؟
لالة لطيفة : بنتي ، عفاك متخلعيناش عليك ، فيقي عفاك
سي عبد الرحيم : منال سربي جيبي لختك الما
نهال : انا لاباس ، متخلعوش عليا
عمران : كيفاش نتي لاباس ، شوفي حالتك كيدايرا ، مقادا حتا توقفي على رجليك
نهال : عفاك طلق مني ، انا قادرة نوقف
عمران : راسك قاسح، هانا طلقت منك
يالاه طلق مني عمران و بغيت نوقف و انا نعاود ندوخ
عمران (و هو هازني) : شفتي راك قادرة توقفي نيت ، عمي عفاك فين بيتها باش نديها ليه
سي عبد الرحيم : الفوق ا ولدي انا نمشي معاك
لالة لطيفة : حتا انا غادا مع بنتي
عمران بقا هازني و طلعني لبيتي الفوق و حطني فوق الناموسية. و ماما و هاجر جاو جلسو حدايا .
نهال : راكم بالغتو بزاااف ، انا معندي والو
سي عبد الرحيم : لا ا بنتي ، نتي راك مشفتيش راسك كيفاش طحتي. خليك اليوم مرتاحة فبلاستك
نهال : صافي ا بابا انا غادي نرتاح ، و لكن عفاكم
هبطو نتوما عند الناس را حشومة .
هاجر : بصح ، غير هبطو نتوما انا غادي نبقا معاها
سي عبد الرحيم : صافي واخا ،ها حنا هابطين
عمران (جا جيهتي و شد ليا يدي) : كنتمنا ليك الشفاء ، رتاحي شوية .
قال هاد الجملة و مشا خرج ، و جات عندي نهال حتا هي
منال : حبيبة ديالي ، خلعتينا عليك
نهال : معندي والو انا لاباس
منال : اوكي حبيبة ، نخليك ترتاحي و نتمنى ميوقعش ليك هاكا نهار عرسي
خرجات منال من البيت و بقيت غير انا و هاجر بوحدنا ، تما انفجرت بالبكا و خرجت كاع داكشي اللي كنت حابساه فقلبي
هاجر : غير بكي ا ختي بكي ، متبقايش اختي حابسة فقلبك
نهال (و هي كتبكي): انا غادي نموت ا هاجر ، غادي نموت ، كنت كنتمنا ان عمران يبقى بعيد على أنه يكون قريب بهاد الشكل ، واش فاهمة شنو معنى أن الرجل الوحيد اللي بغيت فحياتي غادي يولي راجل ختي ، و غادي نبقى نشوفو حياتي كاملة .
هاجر : عارفة ا حبيبة عارفة ، و لكن دبا اشنو غادي ديري ؟
نهال : معندي ما ندير ا هاجر ، هاديك را ختي الوحيدة و السعادة ديالها أهم من سعادتي ، انا غادي نحاول نتاقلم مع الوضع الجديد و ننسا عمران فخطرا.
هاجر : حبيبة ، خليك متاكدة باللي فأي قرار غادي تاخديه غادي تلقايني فجنبك و مسانداك
نهال : عارفة اللي كاين ا ختي ، عارفة
تعانقنا انا و هاجر و بقينا كنبكيو حتا شبعنا . من بعد ما خرجتش من بيتي باش منحضرش لباقي المراسم .
شوية كدخل عندي منال
منال : حبيبة ، كيبقيتي دبا شوية ؟
نهال : الحمد الله ا ختي ، دبا حسن من اللول
منال : عرفتي ا نهال ، انا اليوم أسعد وحدة فالعالم ، حيت ارتبطت بشخص بحال عمران
نهال (و قلبها كيتقطع ) : الله يكمل عليهم بالخير ا منال ، فرحت ليك بزااف
منال : اووو الغزالة ديالي ، بصح فرحتي ليا ؟
مهيم قولي ليا كيجاك الخاتم، هانتي شوفي
نهال : غزااال، جا معاك
منال : شكرا ا حبيبة ، مهيم انا دبا غادي نمشي نرتاح حيت عييت اليوم بزاااف ، و حتا نتي نعسي ليك شوية
نهال : اوكي
باستني منال فحنكي و خرجات متجهة لبيتها
بارت 18
=》عند منال مللي خرجات من بيت نهال
منال : قليلة الحيا ، كتمتلي عليا الأخوة ، و لكن غير بلاتي مزال نفرجك و نصفيك شوية بشوية ، انا عارفة باللي اليوم عطيتك ضربة قاضية ، و داكشي علاش جيت عندك دبا و بديت نهدر ليك على عمران و نوريك الخاتم ، و اللي جاي مزال غادي يكمل عليك ا ختي الحبيبة . ههههه
=》عند عمران
عمران مللي رجع من الخطوبة اللي اصلا كملها غير بزز ، طلع نيشان لبيتو و سد عليه
عمران : اش هاد شي اللي كيوقع ليا أنا ؟ أنا كنت متأكد باللي هاد للزواج ديال الزربة غادي يوقعو فيه غير المشاكل .
علاش يا ربي حتا قلت مبقيتش غادي نشوف ديك البنت مرة أخرى ، عاودتي حطيتيها فطريقي ، علاش ؟
أنا اليوم مللي شفتها تأكدت كتر من داكشي اللي كنحس بيه من جيهتها، خصوصا فاش داك الباسل ديال ياسر شادها حدا الدروج ، مكرهتش فديك اللحظة نقتلو بالعصا باش يفهم باللي هي ديالي انا بوحدي و حتا واحد ما عندو الحق يقرب منها .
و مللي داخت و كانت غادي تسخف ، حسيت بواحد الخوف كبير عليها ، خفت لا توقع ليها شي حاجة و تمنيت كون بقيت معاها و بقيت شاد ليها فايدها حتا تشافا.
اوووف ، اش هاد المشكلة حطيت فيها راسي وسط هاد زوج خواتات ؟
=》بعد أسبوع
نهال : ختي منال ، واش ضروري نمشي معاك اليوم ؟
منال : بالطبع ضروري ا نهال ، راك عارفة العرس ما بقاش ليه بزااف و باقي شحال من حاجة خاصة مزال
نهال : و لكن را عمران غادي يكون معك ، هو غادي يعاونك
منال : اه عمران كاين ، و لكن مغديش يعرف بحالنا حنا البنات ، عفاك ا نهال يالاه معانا ، واش غادي تخلي ختك توجد لعرسها بوحدها ؟
نهال : صافي ا ختي ، انا نوجد راسي باش نمشي معاك
وجدت راسي و مشيت مع منال و عمران، بقيت كنحاول ما أمكن باش ميكون بيناتنا حتا شي تواصل ، و حتا هو بان ليا كيهدر معايا فحدود. مللي سالينا التقدية ، مشينا جلسنا فواحد المطعم باش نتغداو.
النادل : مرحبا بيكم ، شنو تبغيو تاخدو ؟
عمران : شوف عفاك البنات ، هما اللولين
منال : أنا عفاك بغيت بيتزا بفواكه البحر ، و نتي ا نهال ؟
نهال : اا...حتا انا غادي ناخد بيتزا بفواكه البحر
منال : اوا مزيان ، ادن حتا نتا تاخد بحالنا ا عمران ؟
نهال (محسيتش براسي حتا هدرت ) : لا ، عمران مكيحملش بيتزا
منال دارت شافت فيا و هي مستغربة من التدخل ديالي ، و حتا عمران كان مصدوم من هادشي ، شوية و هو يهدر مع النادل
عمران : أنا جيب ليا غير سندويش عفاك
نهال : ختي منال ،انا را غير كنت قريت حوار ديال عمران فواحد المجلة ، سولوه على الأكل المفضل ديالو و هو قال باللي كيكره البيتزا.
منال : اممم، مكاين حتا مشكل
شوية جا النادل و حط لينا الماكلة يالاه بدينا الماكلة و هما يجيو شي بنات بغاو يتصورو مع عمران .
ناض عندهم عمران و بدا كيتصور معاهم ، شوية بانو ليا زعمو عليه بزاااف ، ها اللي بدات تعنق، ها اللي بدات تسلم عليه من وجهو ، انا فديك اللحظة مكرهتش نوض و نريشهم وحدة وحدة .
=》عند منال مللي خرجات من بيت نهال
منال : قليلة الحيا ، كتمتلي عليا الأخوة ، و لكن غير بلاتي مزال نفرجك و نصفيك شوية بشوية ، انا عارفة باللي اليوم عطيتك ضربة قاضية ، و داكشي علاش جيت عندك دبا و بديت نهدر ليك على عمران و نوريك الخاتم ، و اللي جاي مزال غادي يكمل عليك ا ختي الحبيبة . ههههه
=》عند عمران
عمران مللي رجع من الخطوبة اللي اصلا كملها غير بزز ، طلع نيشان لبيتو و سد عليه
عمران : اش هاد شي اللي كيوقع ليا أنا ؟ أنا كنت متأكد باللي هاد للزواج ديال الزربة غادي يوقعو فيه غير المشاكل .
علاش يا ربي حتا قلت مبقيتش غادي نشوف ديك البنت مرة أخرى ، عاودتي حطيتيها فطريقي ، علاش ؟
أنا اليوم مللي شفتها تأكدت كتر من داكشي اللي كنحس بيه من جيهتها، خصوصا فاش داك الباسل ديال ياسر شادها حدا الدروج ، مكرهتش فديك اللحظة نقتلو بالعصا باش يفهم باللي هي ديالي انا بوحدي و حتا واحد ما عندو الحق يقرب منها .
و مللي داخت و كانت غادي تسخف ، حسيت بواحد الخوف كبير عليها ، خفت لا توقع ليها شي حاجة و تمنيت كون بقيت معاها و بقيت شاد ليها فايدها حتا تشافا.
اوووف ، اش هاد المشكلة حطيت فيها راسي وسط هاد زوج خواتات ؟
=》بعد أسبوع
نهال : ختي منال ، واش ضروري نمشي معاك اليوم ؟
منال : بالطبع ضروري ا نهال ، راك عارفة العرس ما بقاش ليه بزااف و باقي شحال من حاجة خاصة مزال
نهال : و لكن را عمران غادي يكون معك ، هو غادي يعاونك
منال : اه عمران كاين ، و لكن مغديش يعرف بحالنا حنا البنات ، عفاك ا نهال يالاه معانا ، واش غادي تخلي ختك توجد لعرسها بوحدها ؟
نهال : صافي ا ختي ، انا نوجد راسي باش نمشي معاك
وجدت راسي و مشيت مع منال و عمران، بقيت كنحاول ما أمكن باش ميكون بيناتنا حتا شي تواصل ، و حتا هو بان ليا كيهدر معايا فحدود. مللي سالينا التقدية ، مشينا جلسنا فواحد المطعم باش نتغداو.
النادل : مرحبا بيكم ، شنو تبغيو تاخدو ؟
عمران : شوف عفاك البنات ، هما اللولين
منال : أنا عفاك بغيت بيتزا بفواكه البحر ، و نتي ا نهال ؟
نهال : اا...حتا انا غادي ناخد بيتزا بفواكه البحر
منال : اوا مزيان ، ادن حتا نتا تاخد بحالنا ا عمران ؟
نهال (محسيتش براسي حتا هدرت ) : لا ، عمران مكيحملش بيتزا
منال دارت شافت فيا و هي مستغربة من التدخل ديالي ، و حتا عمران كان مصدوم من هادشي ، شوية و هو يهدر مع النادل
عمران : أنا جيب ليا غير سندويش عفاك
نهال : ختي منال ،انا را غير كنت قريت حوار ديال عمران فواحد المجلة ، سولوه على الأكل المفضل ديالو و هو قال باللي كيكره البيتزا.
منال : اممم، مكاين حتا مشكل
شوية جا النادل و حط لينا الماكلة يالاه بدينا الماكلة و هما يجيو شي بنات بغاو يتصورو مع عمران .
ناض عندهم عمران و بدا كيتصور معاهم ، شوية بانو ليا زعمو عليه بزاااف ، ها اللي بدات تعنق، ها اللي بدات تسلم عليه من وجهو ، انا فديك اللحظة مكرهتش نوض و نريشهم وحدة وحدة .
بارت 19
و اللي غريب فالامر ، أن منال بانت ليا جالسة طبيعية ، متحركات فيها حتا حاجة ، و ما دارت تا شي ردة فعل كتبين باللي هي غارت عليه .
مللي سالا معاهم ، رجع جلس حدانا و منال مشات للحمام .
بقينا جالسين انا و عمران ساكتين ، شوية ما بقيتش قادرة نصبر و هدرت .
نهال : واش نتا ديما هكا مع المعجبات ديالك ؟
عمران : كيفاش ؟ مفهمتش ؟ كيفاش ديما هكا مع المعجبات ؟
نهال : يعني ، كتضحك معاهم بهاد الطريقة ، و كتخليهم يعنقوك و يبوسوك بهاد الشكل
عمران : ههه كنظن باللي عادي، هما عبرو غير على الحب ديالهم ليا ، و انا من الواجب ديالي نخليهم سعداء .
نهال : اه ، خاصك دير ليهم خاطرهم و لكن ماشي بهاد الشكل ، على الأقل احتارم غير خطيبتك اللي كانت جالسة هنا .
عمران : ااه... ههه، و لكن انا مبانت ليا حتا حاجة من هادشي ، منال كانت عادية و مضايقهاش هادشي ، و لكن كايبان ليا باللي نتي اللي معجبكش هادشي ، واش غرتي منهم ؟
نهال (توترات و بدات ترعد غير بوحدها ) : كيفاش ؟اشنو كتخربق نتا ؟ علاش غادي نغير عليك؟ أنا كنت كنهدر على ختي و صافي
عمران : ههه قلتي ليا ختك ؟ أنا را قلت ليك منال كانت عادية ، و لكن نتي اللي تعصبتي مللي كانو دوك البنات معايا ، حتا دبا كتباني متوترة بزااف ، يعني نتي كنتي كتهدري على راسك ماشي على ختك
نهال : لا نتا اكيد حماقيتي ، انا معندي علاش نغير عليك
عمران بغا يكمل الهدرة و لكن بانت ليه منال جاية و هو يسكت ، و انا صراحة تعصبت بزاااف حيت هو عاق بيا . مبقيتش قادرة نشوف فيه و لا نهدر معاه .
من بعد هادشي ، حاولت ما أمكن نشغل وقتي بالقراية باش منبقاش نخرج معاهم مزال .
واحد النهار كنت واقفة قدام باب الكلية انا و هاجر و كاينين معانا شي دراري من القسم .
و واحد الولد معانا ديما كيبقى يضحك معايا ، كيبقى يجرني من شعري و يلوي ليا يدي . بقا كيضحك معايا و انا كنغوت بلعاني ، شوية حتا كيبان ليا الدري طاح للأرض ما بقا ناض .
جيت نشوف لقيت عمران شادو و كيضرب فيه بكل ما عندو من قوة ، و الغضب خارج ليه من عينيه.
الدري مسكين ولا كلو دمايات ، و اللي كيجي يبغي يفك كيصدق عمران جامعو معاه .
شوية انا تعصبت بزاااف و مشيت عندو بقيت نجر فيه حتا بعدتو عليه .
نهال : اييه صافي براكة نتا ، شنو كيحساب ليك راسك شديتي الولد و نزلتي عليه بالعصا ، واش بغيتي تقتلو و لا شنو ؟
عمران (و هو معصب و كيغوت) : اه نقتلو ، أي واحد يقرب منك و لا ياديك انا نقتلو و منرحموش
نهال : واش شكيت عليك باش دافع عليا ، و زيدون الدري كان غير كيضحك معايا و نتا ندمتيه
عمران : انا كنت دايز قريب من هنا و قلت نديكم فطريقي و مللي جيت و شفتو كيدير معاك هكاك و نتي كتغوتي سحاب ليا كيضربك داكشي علاش تعصبت و ضربتو
هاجر : عمران خويا و الله حتا الولد كان غير كيضحك معها و لكن هاد الباسلة ديما كتبدا تغوت هكاك بحال إلا كيضربها
نهال : هاااااجر معندك لاش تعاودي ليه هادشي ، هو ماشي سوقو فيا
عمران : لا أ لالة ، هداك سوقي ، أي حاجة عندها علاقة بيك كتخصني، فهمتي ؟
نهال : لا نتا اكيد حماقيتي، سير قابل خطيبتك و خليني عليك ، هاجر زيدي قدامي نمشيو فحالنا للدار
و اللي غريب فالامر ، أن منال بانت ليا جالسة طبيعية ، متحركات فيها حتا حاجة ، و ما دارت تا شي ردة فعل كتبين باللي هي غارت عليه .
مللي سالا معاهم ، رجع جلس حدانا و منال مشات للحمام .
بقينا جالسين انا و عمران ساكتين ، شوية ما بقيتش قادرة نصبر و هدرت .
نهال : واش نتا ديما هكا مع المعجبات ديالك ؟
عمران : كيفاش ؟ مفهمتش ؟ كيفاش ديما هكا مع المعجبات ؟
نهال : يعني ، كتضحك معاهم بهاد الطريقة ، و كتخليهم يعنقوك و يبوسوك بهاد الشكل
عمران : ههه كنظن باللي عادي، هما عبرو غير على الحب ديالهم ليا ، و انا من الواجب ديالي نخليهم سعداء .
نهال : اه ، خاصك دير ليهم خاطرهم و لكن ماشي بهاد الشكل ، على الأقل احتارم غير خطيبتك اللي كانت جالسة هنا .
عمران : ااه... ههه، و لكن انا مبانت ليا حتا حاجة من هادشي ، منال كانت عادية و مضايقهاش هادشي ، و لكن كايبان ليا باللي نتي اللي معجبكش هادشي ، واش غرتي منهم ؟
نهال (توترات و بدات ترعد غير بوحدها ) : كيفاش ؟اشنو كتخربق نتا ؟ علاش غادي نغير عليك؟ أنا كنت كنهدر على ختي و صافي
عمران : ههه قلتي ليا ختك ؟ أنا را قلت ليك منال كانت عادية ، و لكن نتي اللي تعصبتي مللي كانو دوك البنات معايا ، حتا دبا كتباني متوترة بزااف ، يعني نتي كنتي كتهدري على راسك ماشي على ختك
نهال : لا نتا اكيد حماقيتي ، انا معندي علاش نغير عليك
عمران بغا يكمل الهدرة و لكن بانت ليه منال جاية و هو يسكت ، و انا صراحة تعصبت بزاااف حيت هو عاق بيا . مبقيتش قادرة نشوف فيه و لا نهدر معاه .
من بعد هادشي ، حاولت ما أمكن نشغل وقتي بالقراية باش منبقاش نخرج معاهم مزال .
واحد النهار كنت واقفة قدام باب الكلية انا و هاجر و كاينين معانا شي دراري من القسم .
و واحد الولد معانا ديما كيبقى يضحك معايا ، كيبقى يجرني من شعري و يلوي ليا يدي . بقا كيضحك معايا و انا كنغوت بلعاني ، شوية حتا كيبان ليا الدري طاح للأرض ما بقا ناض .
جيت نشوف لقيت عمران شادو و كيضرب فيه بكل ما عندو من قوة ، و الغضب خارج ليه من عينيه.
الدري مسكين ولا كلو دمايات ، و اللي كيجي يبغي يفك كيصدق عمران جامعو معاه .
شوية انا تعصبت بزاااف و مشيت عندو بقيت نجر فيه حتا بعدتو عليه .
نهال : اييه صافي براكة نتا ، شنو كيحساب ليك راسك شديتي الولد و نزلتي عليه بالعصا ، واش بغيتي تقتلو و لا شنو ؟
عمران (و هو معصب و كيغوت) : اه نقتلو ، أي واحد يقرب منك و لا ياديك انا نقتلو و منرحموش
نهال : واش شكيت عليك باش دافع عليا ، و زيدون الدري كان غير كيضحك معايا و نتا ندمتيه
عمران : انا كنت دايز قريب من هنا و قلت نديكم فطريقي و مللي جيت و شفتو كيدير معاك هكاك و نتي كتغوتي سحاب ليا كيضربك داكشي علاش تعصبت و ضربتو
هاجر : عمران خويا و الله حتا الولد كان غير كيضحك معها و لكن هاد الباسلة ديما كتبدا تغوت هكاك بحال إلا كيضربها
نهال : هاااااجر معندك لاش تعاودي ليه هادشي ، هو ماشي سوقو فيا
عمران : لا أ لالة ، هداك سوقي ، أي حاجة عندها علاقة بيك كتخصني، فهمتي ؟
نهال : لا نتا اكيد حماقيتي، سير قابل خطيبتك و خليني عليك ، هاجر زيدي قدامي نمشيو فحالنا للدار
بارت 20
عمران (شد نهال من يدها) : اجي فين غادا ؟
نهال : طلق مني ، انا غادا للدار
عمران : أنا غادي نوصلكم
نهال : لا مبغيتش
عمران : نهااااال متعصبينيش
هاجر : اه ا ختي خليه يوصلنا ، نيت نقتاصد فلوس الطوبيس
درت عند هاجر خنزرت فيها و تحلفت عليها
نهال : صافي واخا نمشيو معاك
ركبنا مع عمران فالطوموبيل، و كالعادة الجنية ديال هاجر ركبت اللور و خلاتني انا نركب حداه.
بقينا غادين ، شوية كتبان ليا الطريق ماشي ديال الدار ، و بقا غادي بينا حتا وقف قدام مدينة الملاهي
نهال : لاش جينا هنا ؟
عمران : أنا قلت بما أنك مخاصمة معايا ، ندخلو لمدينة الملاهي نلعبو شوية باش تصالحي معايا .
نهال : لا أ سيدي ، انا ما مخاصمة مع حد ، ما بغيت نلعب فشي مدينة ملاهي
هاجر: ختي هدري علا راسك ، انا بعدا غادي نمشي مع خويا عمران
عمران : ههه صافي انا و هاجر غادي ندخلو نلعبو
و نتي خليك جالسة هنا حتا تفشي علا خاطرك.
فعلا هبطو دوك الزوج و خلاوني بوحدي فالسيارة ،و عمران فاش بغا يسد عليا الباب بقا كيدير ليا بسلامة بيدو و كيفقصوني هو و هاجر . شوية ما بقيتش قادرة نصبر هبطت من السيارة و لصقت فيهم و هو غادي و كيضحك عليا .
أول ما دخلنا مشينا نيشان اللعبة ديال العربة اللي كدور فالسما.
مشيت جلست فوحدة و عيطت على هاجر باش تجلس حيت هي ديال 2 بلايس. يالاه درت ليها بلاسة حدايا و هي تدفع عمران و جلساتو حدايا و هربات و جلسات فعربة أخرى ، حدا واحد الولد . بقات كدور عندي و ضحك هي و عمران و أنا كنتحلف عليها ، بغيت نوض باش نبدل البلاسة و هي تبدا اللعبة كدور . و انا نعاود نجلس حدا عمران .
فاللول اللعبة كانت غاديا مزيان و بشوية ، و لكن غير بانت ليا طايرة بينا الفوق و كدور بالزربة ، طلقت عليهم حلوقي و بديت كنغوت لربي اللي خلقني .
عمران عيا ما يهدر معايا و يسكتني حلفت ما نسكت ليه .
شوية دورني عندو بالزربة و شد وجهي بايديه بزوج و بدا كيهدر معايا بجهد باش نسمعو حيت تما كان
الصداع
عمران : نهال ، اشنو قلت ليك ديك المرة ؟ ياك قلت ليك واجهي الخوف ديالك و متخليهش يسيطر عليك
نهال : و لكن انا كنخاف من العلو بزااااف
عمران : ادن هادي هي الفرصة ديالك باش تحيدي عليك هاد الخوف ، حاولي تستمتعي باللعبة و تنساي الخوف ديالك ، ديك الساعة غادي يمشي بوحدو
نهال : لا منقدرش
عمران : غادي تقدري (شد ليها فيدها ) : و انا معاك دبا ، مغديش نطلقك
ارتاحيت شوية من مورا الهدرة اللي قال ليا عمران ، بقا شاد ليا يدي و مطلقهاش ، بقيت كنشوف فالمناظر اللي كيبانو من تما ، و فعلا كان واحد الإحساس رائع اول مرة كنجربو .
مللي سالات اللعبة مكرهتش كون عاودتها مرة أخرى .
من بعد مشينا لألعاب اخرى , درنا على مدينة الملاهي كاملة و مخلينا فيها والو .
فاش كنا خارجين ، الجنية ديال هاجر دارت ليا خطة باش تخلينا بزوج
هاجر : خويا عمران ، غير كملو نتوما الخرجة بلا بيا ، انا تفكرت خاصني نمشي نجيب لماما شي تقدية
نهال (كتحلف عليها ) : هاد التقدية ما بانت ليك غير دبا ؟ صافي حتا انا نمشي معاك
عمران (شد نهال من يدها) : اجي فين غادا ؟
نهال : طلق مني ، انا غادا للدار
عمران : أنا غادي نوصلكم
نهال : لا مبغيتش
عمران : نهااااال متعصبينيش
هاجر : اه ا ختي خليه يوصلنا ، نيت نقتاصد فلوس الطوبيس
درت عند هاجر خنزرت فيها و تحلفت عليها
نهال : صافي واخا نمشيو معاك
ركبنا مع عمران فالطوموبيل، و كالعادة الجنية ديال هاجر ركبت اللور و خلاتني انا نركب حداه.
بقينا غادين ، شوية كتبان ليا الطريق ماشي ديال الدار ، و بقا غادي بينا حتا وقف قدام مدينة الملاهي
نهال : لاش جينا هنا ؟
عمران : أنا قلت بما أنك مخاصمة معايا ، ندخلو لمدينة الملاهي نلعبو شوية باش تصالحي معايا .
نهال : لا أ سيدي ، انا ما مخاصمة مع حد ، ما بغيت نلعب فشي مدينة ملاهي
هاجر: ختي هدري علا راسك ، انا بعدا غادي نمشي مع خويا عمران
عمران : ههه صافي انا و هاجر غادي ندخلو نلعبو
و نتي خليك جالسة هنا حتا تفشي علا خاطرك.
فعلا هبطو دوك الزوج و خلاوني بوحدي فالسيارة ،و عمران فاش بغا يسد عليا الباب بقا كيدير ليا بسلامة بيدو و كيفقصوني هو و هاجر . شوية ما بقيتش قادرة نصبر هبطت من السيارة و لصقت فيهم و هو غادي و كيضحك عليا .
أول ما دخلنا مشينا نيشان اللعبة ديال العربة اللي كدور فالسما.
مشيت جلست فوحدة و عيطت على هاجر باش تجلس حيت هي ديال 2 بلايس. يالاه درت ليها بلاسة حدايا و هي تدفع عمران و جلساتو حدايا و هربات و جلسات فعربة أخرى ، حدا واحد الولد . بقات كدور عندي و ضحك هي و عمران و أنا كنتحلف عليها ، بغيت نوض باش نبدل البلاسة و هي تبدا اللعبة كدور . و انا نعاود نجلس حدا عمران .
فاللول اللعبة كانت غاديا مزيان و بشوية ، و لكن غير بانت ليا طايرة بينا الفوق و كدور بالزربة ، طلقت عليهم حلوقي و بديت كنغوت لربي اللي خلقني .
عمران عيا ما يهدر معايا و يسكتني حلفت ما نسكت ليه .
شوية دورني عندو بالزربة و شد وجهي بايديه بزوج و بدا كيهدر معايا بجهد باش نسمعو حيت تما كان
الصداع
عمران : نهال ، اشنو قلت ليك ديك المرة ؟ ياك قلت ليك واجهي الخوف ديالك و متخليهش يسيطر عليك
نهال : و لكن انا كنخاف من العلو بزااااف
عمران : ادن هادي هي الفرصة ديالك باش تحيدي عليك هاد الخوف ، حاولي تستمتعي باللعبة و تنساي الخوف ديالك ، ديك الساعة غادي يمشي بوحدو
نهال : لا منقدرش
عمران : غادي تقدري (شد ليها فيدها ) : و انا معاك دبا ، مغديش نطلقك
ارتاحيت شوية من مورا الهدرة اللي قال ليا عمران ، بقا شاد ليا يدي و مطلقهاش ، بقيت كنشوف فالمناظر اللي كيبانو من تما ، و فعلا كان واحد الإحساس رائع اول مرة كنجربو .
مللي سالات اللعبة مكرهتش كون عاودتها مرة أخرى .
من بعد مشينا لألعاب اخرى , درنا على مدينة الملاهي كاملة و مخلينا فيها والو .
فاش كنا خارجين ، الجنية ديال هاجر دارت ليا خطة باش تخلينا بزوج
هاجر : خويا عمران ، غير كملو نتوما الخرجة بلا بيا ، انا تفكرت خاصني نمشي نجيب لماما شي تقدية
نهال (كتحلف عليها ) : هاد التقدية ما بانت ليك غير دبا ؟ صافي حتا انا نمشي معاك
( نلتقي في الفصل الثاني من الرواية ...)