يا شمس
يا شمس طالعة ببياضها ناصعة
على ضهر قلعة وهى راجعة
ودنيا سا معة وقايدة شمعة
فى عتمة طريقها وليل خانقها مودعة
يا مصر كنت منارة زنت فى خطاك كنت مسرعة
شمس علومك سحر غيومك اشرعة
وهجها نار مولعة من النواحى الاربعة
يا نخلة طرحة وبنت سارحة مدمعة
يا نيل وخضرة وارض سمرة مزررعة
ووابور طحين للشقيانين اللى ركبها مخلعة
وساقية دايرة وبنت فايرة على الجواز متسربعة
وتوتة ضلة وجميزة حاملة فاكهة فقير مشبعة
يا ريف بلدنا ايه اللى زادنا بقت الخلايق زعزعة
يا شمس ليه المعمعة واللقمة صبحت صعصعة
مصطفى قمر