دي صورة من موقع الموازنة الخاص بالجيش الأمريكي
(١)
لو حضرتك مواطن أمريكي، (أو مصري معاك وصلة إنترنت)، تقدر تخش تطلع على مصاريف الجيش الأمريكي وعرض لتفاصيل ميزانية المؤسسة العسكرية وتكلفة كل نشاط وإيه أوجه الصرف وقيمتها في كل نشاط. وتقدر تقارن ده بآخر ١٠ سنين.
(٢)
الكونجرس ومجلس الشيوخ ليهم الحق الكامل في الاطلاع على كافة تفاصيل موازنة الجيش والموافقة عليها أو رفضها وكل ده بيتم بقدر كبير من الشفافية. حتى الأنشطة بالغة السرية (زي مثلا تطوير سلاح جديد أو أبحاث سرية ... إلخ) بتبقى متاحة لعدد من أعضاء لجنة الدفاع المنتخبين تحت بند إنها سرية وبتتحط في الميزانية كرقم واحد بدون تفاصيل بس بعد ما السلطة التشريعية المنتخبة تعتمدها (ودي بتبقى نسبتها حوالي 10% من الميزانية الكاملة).
(٣)
الجيش كل سنة بيقدم زيه زي أي مؤسسة حكومية ميزانيته للسنة الجديدة لرئيس الجمهورية اللي بيضمها مع كل طلبات المؤسسات الحكومية الباقية، الميزانية دي بيتم نقاشها علنيا في جلسات مجلس الشيوخ والكونجرس وبيتم مناقشة أي تفاصيل سرية في جلسات خاصة. وفي النهاية القرار الأخير بيبقى للأعضاء المنتخبين، وحصلت كتير إنهم يرفضوا اعتماد الزيادة اللي بيطلبها الجيش وقرارهم بينفذ بعد ما بيدو قيادة الجيش الحق في الاعتراض. يعني السلطة التشريعية المنتخبة هي اللي بيبقى ليه القرار النهائي في رفض أو قبول أي بند من بنود الميزانية وبيخشوا في أدق التفاصيل زي مثلا: ليه هتشتروا السلاح الفلاني أو ليه حاطين بدجت كذا للنشاط الفلاني.
(٤)
مؤسسات المجتمع المدني الأمريكية بتضغط على مجلس الشيوخ والكونجرس لتقليل ميزانية الجيش اللي متاحة للجميع، وبيحصل تدخل في تحديد بعض الأولويات الخاصة بالانفاق. وفيه نقاش حالي عن ميزانية 2017.
(٥)
الدخل الكامل لكل ضباط الجيش الكبار بما فيهم وزير الدفاع معلن ومتاح للجميع وتقدر تدخل على مواقع على الإنترنت تحط فيها رتبة الشخص والمنطقة العسكرية اللي شغال فيها وعدد سنين خدمته ويطلع لك قيمة الدخل السنوي اللي بيحصل عليه. ليه؟ لأن المواطن دافع الضرائب من حقه يعرف فلوسه بتتصرف فين.
Wael Ghonim
(١)
لو حضرتك مواطن أمريكي، (أو مصري معاك وصلة إنترنت)، تقدر تخش تطلع على مصاريف الجيش الأمريكي وعرض لتفاصيل ميزانية المؤسسة العسكرية وتكلفة كل نشاط وإيه أوجه الصرف وقيمتها في كل نشاط. وتقدر تقارن ده بآخر ١٠ سنين.
(٢)
الكونجرس ومجلس الشيوخ ليهم الحق الكامل في الاطلاع على كافة تفاصيل موازنة الجيش والموافقة عليها أو رفضها وكل ده بيتم بقدر كبير من الشفافية. حتى الأنشطة بالغة السرية (زي مثلا تطوير سلاح جديد أو أبحاث سرية ... إلخ) بتبقى متاحة لعدد من أعضاء لجنة الدفاع المنتخبين تحت بند إنها سرية وبتتحط في الميزانية كرقم واحد بدون تفاصيل بس بعد ما السلطة التشريعية المنتخبة تعتمدها (ودي بتبقى نسبتها حوالي 10% من الميزانية الكاملة).
(٣)
الجيش كل سنة بيقدم زيه زي أي مؤسسة حكومية ميزانيته للسنة الجديدة لرئيس الجمهورية اللي بيضمها مع كل طلبات المؤسسات الحكومية الباقية، الميزانية دي بيتم نقاشها علنيا في جلسات مجلس الشيوخ والكونجرس وبيتم مناقشة أي تفاصيل سرية في جلسات خاصة. وفي النهاية القرار الأخير بيبقى للأعضاء المنتخبين، وحصلت كتير إنهم يرفضوا اعتماد الزيادة اللي بيطلبها الجيش وقرارهم بينفذ بعد ما بيدو قيادة الجيش الحق في الاعتراض. يعني السلطة التشريعية المنتخبة هي اللي بيبقى ليه القرار النهائي في رفض أو قبول أي بند من بنود الميزانية وبيخشوا في أدق التفاصيل زي مثلا: ليه هتشتروا السلاح الفلاني أو ليه حاطين بدجت كذا للنشاط الفلاني.
(٤)
مؤسسات المجتمع المدني الأمريكية بتضغط على مجلس الشيوخ والكونجرس لتقليل ميزانية الجيش اللي متاحة للجميع، وبيحصل تدخل في تحديد بعض الأولويات الخاصة بالانفاق. وفيه نقاش حالي عن ميزانية 2017.
(٥)
الدخل الكامل لكل ضباط الجيش الكبار بما فيهم وزير الدفاع معلن ومتاح للجميع وتقدر تدخل على مواقع على الإنترنت تحط فيها رتبة الشخص والمنطقة العسكرية اللي شغال فيها وعدد سنين خدمته ويطلع لك قيمة الدخل السنوي اللي بيحصل عليه. ليه؟ لأن المواطن دافع الضرائب من حقه يعرف فلوسه بتتصرف فين.
Wael Ghonim