٥ حاجات دي تخليك تعرف علي طول الدولة اللي إنت فيها دي متقدمة و بتحترم شعبها و لا لأ
١- رصيف المشاة (اللي هما أكترية الشعب) لازم يكون ٤ متر علي الأقل علي جانبي الشارع، عشان الناس تعرف تتمشي عليه براحتها بعيد عن العربيات و مستحيل تلاقي كافيهات و لا محلات موسعة علي نفسها و قارفة الناس و حطة بضاعتها برة و محتلة الرصيف كدة بلطجة.
ولا يمكن تلاقي بلاعة أو بلاطة مستواها مرتفع عن مستوي الرصيف عشان محدش يتكعبل فيها لا قدر الله .
٢- البلاط المخصوص للمكفوفين (إللي فيه علامات بارزة) عشان يوضحلهم فين أماكن عبور المشاة و فين إشارات المرور و فين محطات المواصلات العامة و غيره، و ده لازم حتلاقيه في كل الأرصفة حتي في الشوارع الضيقة و الفرعية، لأن إحترام ذوي الإحتياجات الخاصة من أهم أوليات الحكومات في البلاد دي .
٣- إشارات المرور اللي فيها صوت رنين للمشاة لما الإشارة تبقي خاضرة ليهم و الصوت ده بيبقي للمكفوفين بردو عشان يعرفوا إمتي أمان إنهم يعدوا الشارع - الجميل بقي إن الحكومات هناك مش سايبة حاجة للصدفة ، فإفترضوا إن ممكن المواطن يبقي فاقد للسمع و البصر في نفس الوقت- فعاملين بلاستكة صغيرة تحت في الإشارة "في مستوي الإيد" بتبقي ثابتة و بتبتدي تلف أول ما الإشارة تبقي خاضرة للمشاة عشان يعدوا الشارع .
٤- الرصيف لا يمكن بأي حال من الأحوال يبقي أعلي من ١٠ سنتيمتر عن مستوي الشارع و عند أماكن تعدية المشاة لازم يكون الرصيف بنفس مستوي الشارع عشان كبار السن و ذوي الإحتياجات الخاصة و عربيات الأطفال .
٥- حارات الشارع (أو الخطوط المخططة اللي في الطريق) دي معمولة عشان محدش يدخل من حارة لحارة إلا للضرورة و لازم يدي إشارة يمين أو شمال ، و لازم حتلاقي حارة خاصة للأوتوبيسات و المواصلات العامة لا يمكن بأي حال من الأحوال إن أي عربية تدخل في الحارة دي حتي لو الشوارع زحمة لأقصي درجة و حارة الأوتوبيس فاضية خالص، و ده الحكومات بتعمله عشان تسهل علي المواطنين اللي راكبين المواصلات العامة إنهم يوصلوا أي مكان بأسرع وقت و تشجع بقية المواطنين إنهم يسيبوا عربياتهم و يستخدموا المواصلات العامة، و ده عشان يحافظوا علي البيئة و علي صحة المواطنين من تلوث الهواء من دخان العربيات ده غير الحارات الخاصة بالعجل .
كل ده غير طبعاً نظافة الشوارع و إن حتلاقي كل ٥ - ١٠ متر صندوق زبالة ، و العلامات اللي مكتوب عليها كل التفاصيل بتاعة الشوارع و إزاي تروح من مكان لمكان بسهولة كبيرة جداً عشان يوفروا علي المواطنين إنهم حتي يتعبوا دماغهم و يفكروا في أي حاجة ، و يسيبوهم يستمتعوا بمشيهم علي الرصيف أو سواقتهم للعربية .
Ahmed Haggagovic - أحمد حجاجوفيتش
١- رصيف المشاة (اللي هما أكترية الشعب) لازم يكون ٤ متر علي الأقل علي جانبي الشارع، عشان الناس تعرف تتمشي عليه براحتها بعيد عن العربيات و مستحيل تلاقي كافيهات و لا محلات موسعة علي نفسها و قارفة الناس و حطة بضاعتها برة و محتلة الرصيف كدة بلطجة.
ولا يمكن تلاقي بلاعة أو بلاطة مستواها مرتفع عن مستوي الرصيف عشان محدش يتكعبل فيها لا قدر الله .
٢- البلاط المخصوص للمكفوفين (إللي فيه علامات بارزة) عشان يوضحلهم فين أماكن عبور المشاة و فين إشارات المرور و فين محطات المواصلات العامة و غيره، و ده لازم حتلاقيه في كل الأرصفة حتي في الشوارع الضيقة و الفرعية، لأن إحترام ذوي الإحتياجات الخاصة من أهم أوليات الحكومات في البلاد دي .
٣- إشارات المرور اللي فيها صوت رنين للمشاة لما الإشارة تبقي خاضرة ليهم و الصوت ده بيبقي للمكفوفين بردو عشان يعرفوا إمتي أمان إنهم يعدوا الشارع - الجميل بقي إن الحكومات هناك مش سايبة حاجة للصدفة ، فإفترضوا إن ممكن المواطن يبقي فاقد للسمع و البصر في نفس الوقت- فعاملين بلاستكة صغيرة تحت في الإشارة "في مستوي الإيد" بتبقي ثابتة و بتبتدي تلف أول ما الإشارة تبقي خاضرة للمشاة عشان يعدوا الشارع .
٤- الرصيف لا يمكن بأي حال من الأحوال يبقي أعلي من ١٠ سنتيمتر عن مستوي الشارع و عند أماكن تعدية المشاة لازم يكون الرصيف بنفس مستوي الشارع عشان كبار السن و ذوي الإحتياجات الخاصة و عربيات الأطفال .
٥- حارات الشارع (أو الخطوط المخططة اللي في الطريق) دي معمولة عشان محدش يدخل من حارة لحارة إلا للضرورة و لازم يدي إشارة يمين أو شمال ، و لازم حتلاقي حارة خاصة للأوتوبيسات و المواصلات العامة لا يمكن بأي حال من الأحوال إن أي عربية تدخل في الحارة دي حتي لو الشوارع زحمة لأقصي درجة و حارة الأوتوبيس فاضية خالص، و ده الحكومات بتعمله عشان تسهل علي المواطنين اللي راكبين المواصلات العامة إنهم يوصلوا أي مكان بأسرع وقت و تشجع بقية المواطنين إنهم يسيبوا عربياتهم و يستخدموا المواصلات العامة، و ده عشان يحافظوا علي البيئة و علي صحة المواطنين من تلوث الهواء من دخان العربيات ده غير الحارات الخاصة بالعجل .
كل ده غير طبعاً نظافة الشوارع و إن حتلاقي كل ٥ - ١٠ متر صندوق زبالة ، و العلامات اللي مكتوب عليها كل التفاصيل بتاعة الشوارع و إزاي تروح من مكان لمكان بسهولة كبيرة جداً عشان يوفروا علي المواطنين إنهم حتي يتعبوا دماغهم و يفكروا في أي حاجة ، و يسيبوهم يستمتعوا بمشيهم علي الرصيف أو سواقتهم للعربية .
Ahmed Haggagovic - أحمد حجاجوفيتش